കൊല്ലം : കേരള ജെം ആന്റ്​ ജൂവലറി ഷോ ഡിസംബർ 7, 8, 9 തീയതികളിൽ അങ്കമാലി അഡ്ലക്സ് കൺവെൻഷൻ സെന്ററിൽ നടക്കുമെന്ന്​ കെ.ജി.ജെ.എസ്​ എക്‌സ്‌പോ സംഘാടക സമിതി അംഗങ്ങളായ ഓൾ കേരള ഗോൾഡ്​ ആന്റ്​ സിൽവർ മർച്ചന്റ്‌​സ്​ അസോസിയേഷൻ ജില്ലാ പ്രസിഡന്റ്​ അഡ്വ.എസ്​.അബ്ദുൽനാസർ, ജനറൽ സെക്രട്ടറി ബി.പ്രേമാനന്ദ്​ എന്നിവർ അറിയിച്ചു.

കൊല്ലം ജില്ലയിൽ നിന്നും 300 സ്വർണവ്യാപാരികൾ പ്രദർശനത്തിന്​ പങ്കെടുക്കുമെന്ന്​ അവർ അറിയിച്ചു. കേരളത്തിൽ പത്താമത്തെ തവണയാണ്​ ഈ പ്രദർശനം. ഇന്ത്യയിലെ 250 നിർമ്മാതാക്കളുടെ 400 ലധികം പ്രദർശന ബൂത്തുകളുണ്ടാവും. സ്വർണം, ഡയമണ്ട്​, പ്ലാറ്റിനം, വെള്ളി ആഭരണങ്ങൾ എന്നിവയുടെ പ്രദർശനം കൂടാതെ മെഷിനറികളുടെയും അനുബന്ധ ഉപകരണങ്ങളുടെയും പ്രദർശനവും ഒരുക്കിയിട്ടുണ്ട്​. ശീതീകരിച്ച ഒരുലക്ഷം ചതുരശ്ര അടിയിലാണ്​ പ്രദർശനം. ആറായിരത്തോളം സ്വർണവ്യാപാരികളാണ്​ പ്രദർശനം കാണാൻ എത്തുന്നത്​. വിദേശ പ്രതിനിധികളും എത്തുന്നുണ്ട്​. സെമിനാറുകളും ചർച്ചാക്ലാസുകളും സംഘടിപ്പിച്ചിട്ടുണ്ട്.