കൊട്ടിയം: വടക്കേവിള ഗവ. പഞ്ചായത്ത് എൽ.പി സ്കൂളിലെ വിദ്യാർത്ഥികൾ നടത്തിയ കരനെല്ല് കൃഷിയുടെ കൊയ്ത്തുത്സവം നാടിനാകെ ആഘോഷമായി. കൃഷിക്കാരുടെ വേഷപ്പകർച്ചയോടെ നെല്ല് കൊയ്യാനിറങ്ങിയ കുരുന്നുകൾ രക്ഷാകർത്താക്കൾക്കും നാട്ടുകാർക്കും കൗതുകമാകുകയായിരുന്നു.

കൊയ്ത്തുത്സവം എം. നൗഷാദ് എം.എൽ.എ ഉദ്ഘാടനം ചെയ്തു. ഇതോടനുബന്ധിച്ച് ചേർന്ന സമ്മേളനത്തിൽ കോർപ്പറേഷൻ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ സന്തോഷ് കുമാർ അദ്ധ്യക്ഷത വഹിച്ചു. ഡി. വിനോദ് കുമാർ, സലീന, ബി.എസ്. ശശികുമാർ , വടക്കേവിള കൃഷി ഓഫീസർ ബി. അർച്ചന, പ്രകാശൻ, ഷിബു റാവുത്തർ, സ്കൂൾ വികസന സമിതി പ്രസിഡന്റ് പട്ടത്താനം സുനിൽ, രാജേഷ് മഹേശ്വരൻ, പള്ളിമുക്ക് താജുദ്ദീൻ, ജെ. ഡാഫിനി ടീച്ചർ എന്നിവർ സംസാരിച്ചു. തുടർന്ന് കുട്ടികളുടെ കലാപരിപാടികളും നടന്നു.