കൊല്ലം : പ്രകൃതിദുര​ന്ത​ങ്ങൾ ഉണ്ടാ​കു​ന്ന​ത് മനു​ഷ്യന്റെ അനാ​വശ്യ ഇട​പെ​ടൽ മൂല​മാ​ണെന്ന് മന്ത്രി ഇ ചന്ദ്ര​ശേ​ഖ​രൻ പറ​ഞ്ഞു. കലക്‌ടറേറ്റിൽ ദുര​ന്ത​നി​വാ​ര​ണ​വു​മായി ബന്ധ​പ്പെട്ട് ആരം​ഭിച്ച നവീ​ക​രിച്ച അടി​യ​ന്ത​ര​ഘട്ട കാര്യ​നിർവ​ഹണ കേന്ദ്രം, സ്റ്റുഡന്റ്‌സ് റാപ്പിഡ് റെസ്‌പോൺസ് ഫോഴ്‌സ്, പട്ടി​ക​വി​ഭാഗ യുവാ​ക്കൾക്കുള്ള ദുര​ന്ത​നി​വാ​രണ പരി​ശീ​ലനം എന്നി​വ​യുടെ ഉദ്ഘാ​ടനം നിർവ​ഹി​ക്കു​ക​യാ​യി​രുന്നു അദ്ദേ​ഹം. കേരളം വലിയ പ്രള​യ​ത്തി​നാണ് 2018ൽ സാക്ഷി​യാ​യ​ത്.
ഇതിന്റെ തുടർച്ച​യാ​യാണ് സംസ്ഥാന ദുരന്ത നിവാ​രണ സംവി​ധാ​നത്തെ ശക്തി​പ്പെ​ടു​ത്തു​വാൻ തീരു​മാ​നി​ച്ച​ത്. എല്ലാ തുറ​ക​ളി​ലെയും ജന​ങ്ങ​ളുടെ പങ്കാ​ളിത്തം ഉറ​പ്പാ​ക്കി​യാൽ മാത്രമേ ഇത്തരം സാഹ​ച​ര്യ​ങ്ങളെ നേരി​ടാൻ സാധി​ക്കൂ. കൃത്യ​മായ പരി​ശീ​ല​നവും ആത്മ​വി​ശ്വാ​സവും വളർത്തി​യെ​ടു​ക്കാൻ ആവി​ഷ്‌ക​രി​ക്കുന്ന പദ്ധ​തി​കൾ പൊതു​ജ​ന​ങ്ങൾ നിറഞ്ഞ മന​സ്സോ​ടെ​യാണ് സ്വീക​രി​ക്കു​ന്ന​തെന്നും മന്ത്രി പറ​ഞ്ഞു.
എം നൗഷാദ് എം. എൽ. എ അധ്യ​ക്ഷത വഹി​ച്ചു. ജില്ലാ പഞ്ചാ​യത്ത് പ്രസി​ഡന്റ് സി. രാധാ​മ​ണി, മേയ​റുടെ ചുമ​തല വഹി​ക്കുന്ന ഡെപ്യൂട്ടി മേയർ വിജയ ഫ്രാൻസി​സ്, ജില്ലാ കളക് ടർ ബി. അബ് ദുൽ നാസർ, സിറ്റി പൊലീസ് കമ്മിഷണർ പി. കെ മധു, സബ് കളക്ടർ അനുപം മിശ്ര, റൂറൽ എസ് .പി ഹരി​ശ​ങ്കർ, എ. ഡി. എം. പി.​ആർ.​ഗോ​പാ​ല​കൃ​ഷ്ണൻ, ജില്ലാ ഇൻഫർമേ​ഷൻ ഓഫീ​സർ സി. അജോ​യ്, ആർ. ടി. ഒ വി.സജി​ത്, ജില്ലാ ഫയർ ഓഫീ​സർ കെ ഹരി​കു​മാർ തുട​ങ്ങി​യ​വർ സംസാ​രി​ച്ചു.