കൊല്ലം: വഴിവിട്ട നിയമനങ്ങൾ നടത്തി മീ​റ്റർ കമ്പനിയെ തകർക്കരുതെന്ന് യു.ടി.​യു.​സി ദേശീയ പ്രസി​ഡന്റ് എ.​എ. അസീ​സ് പറഞ്ഞു. അനധികൃത പിൻവാതിൽ നിയമനങ്ങൾക്കെതിരെ ആർ.എസ്.പി ഇരവിപുരം മണ്ഡലം കമ്മിറ്റിയുടെ നേതൃത്വത്തിൽ മീറ്റർ കമ്പനി പടി​ക്കൽ നടന്ന ധർണ ഉദ്ഘാ​ടനം ചെയ്യുകയായിരുന്നു അദ്ദേഹം.

കാലാ​കാ​ല​ങ്ങ​ളിലെ മാനേ​ജ്‌മെന്റു​ക​ളുടെ പിടി​പ്പു​കേടും വൈദ്യുതി ബോർഡിന്റെയും സർക്കാരിന്റെയും അനാ​സ്ഥ​യു​മാണ് മീറ്റർ കമ്പനിയുടെ തകർച്ചയ്ക്ക് കാര​ണ​മാ​യ​ത്. 500ൽപ്പരം തൊഴി​ലാ​ളി​കൾ ഉണ്ടാ​യി​രുന്ന സ്ഥാപ​ന​ത്തിൽ ഇപ്പോൾ 200 ഓളം തൊഴി​ലാ​ളി​കൾ മാത്ര​മാണ് ഉള്ള​ത്. അനാ​വശ്യ ചെല​വു​കൾ, പിൻവാ​തിൽ നിയ​മനം തുടങ്ങിയ വഴി​വിട്ട പ്രവർത്ത​ന​ങ്ങൾ മീറ്റർ കമ്പ​നി​യുടെ നില​വാര തകർച്ചയ്ക്ക് കാര​ണ​മാ​യെന്നും എ.​എ.​ അ​സീസ് പറഞ്ഞു.​

സ​ജി ​ഡി. ​ആ​ന​ന്ദ് അദ്ധ്യ​ക്ഷ​ത​ വഹിച്ചു. കെ.​ സി​സി​ലി, എൻ.​ നൗ​ഷാദ് , ബീനാ കൃഷ്ണൻ, ഡി.​എ​സ്.​ സു​രേഷ്. എൽ.​ ബാ​ബു, മുഹ​മ്മദ് കുഞ്ഞ്, മഹിളാ മണി, പി.കെ.​ അ​നിൽ, ഗ്രാമ​പ​ഞ്ചാ​യത്ത് അംഗം അനീഷാ സലിം, കോർപ്പ​റേ​ഷൻ കൗൺസി​ലർ സെലീ​ന, സക്ക​റിയാ ക്ലമന്റ്, കിളി​കൊ​ല്ലൂർ ബേബി, രവീ​ന്ദ്രൻപി​ള്ള, അനിൽ നാരാ​യ​ണൻ, രാജ്കു​മാർ തുട​ങ്ങി​യ​വർ സംസാ​രി​ച്ചു.