കൊല്ലം: സേവന രംഗത്ത് എഴു​പത് വർഷം പൂർത്തി​യാ​ക്കു​ന്ന​തിന്റെ ഭാഗ​മായി റോട്ടറി ക്ലബ് ഓഫ് ക്വയി​ലോൺ ജില്ലാ ആശു​പ​ത്രിക്ക് 24 ലക്ഷം രൂപ മുടക്കി നാല് ഡയാ​ലി​സിസ് മെഷീ​നു​കൽ സംഭാ​വ​ന​യായി നൽകും. ജില്ലാ ആശു​പ​ത്രി​യിലെ റോട്ട​റി പേ വാർഡ് നവീ​ക​രിച്ച് പൊതു​ജ​ന​ങ്ങൾക്ക് സമർപ്പിച്ച ഉദ്ഘാ​ടന ചട​ങ്ങിൽ ക്ലബ് പ്രസി​ഡന്റ് അഡ്വ. സജ്ജീവ് സോമ​രാ​ജൻ അറി​യി​ച്ച​താണ് ഈ വിവ​രം. റോട്ടറി ക്ലബ് ഓഫ് ക്വയി​ലോൺ 18 ലക്ഷം രൂപ ചെല​വ​ഴി​ച്ചാണ് റോട്ടറി പേവാർഡിന്റെ നവീ​ക​രണം പൂർത്തി​യാ​ക്കി​യ​ത്. 1971 ൽ റോട്ടറി ക്ലബ് ഓഫ് ക്വയി​ലോൺ നിർമ്മിച്ച് ജില്ലാ ആശു​പ​ത്രിക്ക് നൽകിയ ഇരു​നില കെട്ടി​ട​ത്തിന്റെ 12 മുറി​കളും ആധു​നിക രീതി​യിൽ നവീ​ക​രിച്ച് 2 മുറി​കൾ എയർ കണ്ടീ​ഷൻ ചെയ്യു​കയും ചെയ്തു.

ഉദ്ഘാ​ടന ചട​ങ്ങിൽ 'ജീ​വനം' പദ്ധ​തി​യുടെ ഭാഗ​മായി ജില്ലാ ആശു​പ​ത്രി​യിലുള്ള സൗജന്യ ഡയാ​ലിസിസ് യൂണി​റ്റിന്റെ പ്രവർത്തനം കൊട്ടാ​ര​ക്ക​ര, കരു​നാ​ഗ​പ്പള്ളി , ശാസ്താം​കോ​ട്ട, നീണ്ട​കര തുട​ങ്ങിയ താലൂക്ക് ആശു​പ​ത്രി​ക​ളി​ലേക്കും വ്യാപി​പ്പി​ക്കു​മെന്ന് ജില്ലാ പഞ്ചാ​യത്ത് പ്രസി​ഡന്റ് രാധാ​മണി പ്രസ്താവിച്ചു.
ഇപ്പോൾ 20 യൂണി​റ്റു​ക​ളി​ലായി മൂന്നു ഷിഫ്റ്റിൽ 60 രോഗി​കൾക്ക് ദിവ​സേന ഡയാ​ലി​സിസ് നട​ത്തു​ന്നു. എന്നിട്ടും രജി​സ്റ്റർ ചെയ്ത 79 പേർ ഇപ്പോഴും ക്യൂവി​ലു​ണ്ട്. ഈ പരി​മിതി മറി​ക​ട​ക്കാൻ നാല് യൂണി​റ്റു​കൾ കൂടി അടി​യ​ന്തിര​മായി ആവ​ശ്യ​മാ​ണെന്ന് ജില്ലാ ആശു​പത്രി സൂപ്രണ്ട് ഡോ. വസ​ന്ത​ദാ​സിന്റെ അഭ്യർത്ഥന മാനി​ച്ചാണ് നാല് ഡയാ​ലി​സിസ് മെഷി​നു​കൾ സംഭാ​വന ചെയ്യു​വാൻ ക്ലബ് തീരു​മാ​നി​ച്ച​ത്. മൂന്നു മാസ​ത്തി​നു​ള്ളിൽ യൂണി​റ്റു​കൾ പ്രവർത്തന സജ്ജ​മാ​ക്കു​മെന്നും ക്ലബ് പ്രസി​ഡന്റ് അഡ്വ. സജ്ജീവ് സോമ​രാ​ജൻ പറ​ഞ്ഞു.
നവീ​ക​രിച്ച റോട്ടറി പേ വാർഡിന്റെ ഉദ്ഘാ​ടനം ജില്ലാ പഞ്ചായത്ത് പ്രസി​ഡന്റ് രാധാ​മണി നിർവ​ഹി​ച്ചു. ക്ലബ് പ്രസി​ഡന്റ് അഡ്വ. സജ്ജീവ് സോമ​രാ​ജന്റെ അദ്ധ്യ​ക്ഷ​ത​യിൽ കൂടിയ യോഗ​ത്തിൽ ആശുപത്രി സൂപ്രണ്ട് ഡോ. വസന്ത​ദാസ്, റോട്ടറി അസി. ഗവർണർ ഡോ.​മാ​നു​വൽ പെരി​ശ്, മുൻ ഗവർണർ പ്രൊഫ. ഉദ​യ​കു​മാർ, സെക്ര​ട്ടറി രാജു, സക്ക​റിയാ കെ.​സാ​മൂ​വൽ, ഡെപ്യൂട്ടി സൂപ്രണ്ട് ഡോ.​അ​ജി​ത, ആർ.​എം.​ഓ. ഡോ. അനു​രൂപ് ശങ്കർ എന്നി​വർ പങ്കെ​ടു​ത്തു.