ഏ​രൂർ: മലയോര ഹൈവേയുടെ നിർമ്മാണം ഇഴയുന്നത് യാത്രക്കാരെയും റോഡരികിൽ താമസിക്കുന്നവരേയും ഒരുപോലെ ബുദ്ധിമുട്ടിലാക്കുന്നു. മാസങ്ങളായി നടക്കുന്ന റോഡ് നിർമ്മാണം അത്രകണ്ടാണ് ഇവരെ പ്രതിസന്ധിയിലാക്കുന്നത്. ഗതാഗതം ഇഴയുന്നതും പൊടി ശല്യവുമാണ് ഇവിടുത്തെ പ്രധാന പ്രശ്നം.

പഴയ ടാറിംഗ് ഇളക്കിമാറ്റിയാണ് മലയോര ഹൈവേ നിർമ്മിക്കുന്നത്. ഇത്തരത്തിൽ റോഡ് വെട്ടിപ്പൊളിച്ചിട്ട് മാസങ്ങളായി. ഇതോടെയാണ് റോഡരികിൽ താമസിക്കുന്നവർ പൊടിതിന്ന് തുടങ്ങിയത്. തുടർച്ചയായി നവീകരണം നടത്താത്തതാണ് പ്രശ്നങ്ങൾക്ക് കാരണമെന്നാണ് ഇവർ പറയുന്നത്. കു​ള​ത്തൂ​പ്പു​ഴ മു​തൽ ആ​ല​ഞ്ചേ​രി വ​രെ​യു​ള്ള ഭാ​ഗം പ​രി​ശോ​ധി​ച്ചാൽ തന്നെ ഇത് മനസിലാകും. ഒ​ന്നോ ര​ണ്ടോ കി​ലോ​മീ​റ്റർ ദൂ​രം അ​ല്​പം നാൾ നവീകരണം ന​ട​ത്തും. പി​ന്നീ​ട് അ​വി​ടെ​നി​ന്നും പിൻ​വാ​ങ്ങി മ​റ്റെ​വി​ടെ​യെ​ങ്കി​ലുമാകും ജോലികൾ. ഇതോടെയാണ് വാ​ഹ​ന​യാ​ത്ര​യും കാൽ​ന​ട യാ​ത്ര​യും ഒ​രു​പോ​ലെ ദു​സ്സ​ഹ​മായത്. വെ​യി​ലാ​യാൽ പൊ​ടി ശ​ല്യം മ​ഴ​യാ​യാൽ ചെ​ളി​യും ഇതാണ് ഇവിടുത്തെ അവസ്ഥ.

റോഡിന്റെ ഉയരം വർദ്ധിച്ചതോടെ മഴസമയത്ത് വീടുകളിലേക്ക് വെള്ളം കയറുന്നതും മറ്റൊരു പ്രശ്നമാണ്. മു​റ്റ​ത്ത് ചെ​ളി​വെ​ള്ളം നി​റ​യു​ന്ന​തി​നാൽ കി​ണ​റി​ലെ വെ​ള്ളം ഉ​പ​യോ​ഗി​ക്കാ​നാ​കാ​ത്ത വി​ധം മ​ലി​ന​മാ​കു​ന്നുണ്ട്. മുറ്റത്തിറങ്ങാനാകാത്ത വിധം ചെളിക്കുണ്ട് രൂപപ്പെട്ടതും പ്രദേശവാസികളെ വലയ്ക്കുന്നു.

ഏ​രൂർ ഗ​വ. എൽ.പി.എ​സ്, ഗ​വ. ഹ​യർ സെ​ക്കൻ​ഡ​റി സ്​കൂൾ എ​ന്നി​വ​യു​ടെ മുൻ​ഭാ​ഗത്തെ നവീകരണം ഇനിയും പൂർത്തിയാകാത്തതും വലിയ പ്രതിഷേധത്തിന് കാരണമാകുന്നുണ്ട്. അദ്ധ്യയന സമയത്ത് കനത്ത പൊടിയാണ് ക്ളാസ് മുറികളിലേക്ക് അടിച്ചുകയറുന്നത്. ഏരൂർ ഗവ. ഹയർസെക്കൻഡറി സ്കൂളിന്റെ മതിൽ പൊളിച്ചുനീക്കിയതും വിദ്യാർത്ഥികളുടെ സുരക്ഷയെ ബാധിക്കുന്നു. വിഷയത്തിൽ അടിയന്തര ഇടപെടൽ വേണമെന്നും നിർമ്മാണത്തിന്റെ വേഗത വർദ്ധിപ്പിക്കണമെന്നുമാണ് ഏവരുടെയും ആവശ്യം.

വി​ക​സ​ന പ്ര​വർ​ത്ത​ന​ങ്ങൾ ജ​ന​ജീ​വി​തം ദു​സ​ഹ​മാ​ക്കു​ന്നി​ല്ല എ​ന്ന് ഉ​റ​പ്പു​വ​രു​ത്തേ​ണ്ട​തു​ണ്ട്. എ​ത്ര​യും വേ​ഗം റോ​ഡിന്റെ നിർ​മ്മാ​ണ പ്ര​വർ​ത്ത​ന​ങ്ങൾ പൂർ​ത്തീ​ക​രി​ക്കു​ന്ന​തി​നാ​വ​ശ്യ​മാ​യ ന​ട​പ​ടി​കൾ അ​ധി​കൃ​ത​രു​ടെ ഭാ​ഗ​ത്തു​നി​ന്നും ഉ​ണ്ടാ​ക​ണം.

സു​ധീ​ഷ് കു​മാർ, സു​ധീ​ഷ് ഭ​വൻ, ആ​ല​ഞ്ചേ​രി ​