കൊല്ലം: നീരാവിൽ എസ്.എൻ.ഡി.പി യോഗം ഹയർ സെക്കൻഡറി സ്കൂളിലെ നാഷണൽ സർവീസ് സ്കീം യൂണിറ്റും ഇന്ത്യൻ മെഡിക്കൽ അസോസിയേഷനും സംയുക്തമായി സംഘടിപ്പിച്ച രക്തദാന ക്യാമ്പ് എസ്.എൻ ട്രസ്റ്റ് ട്രഷറർ ഡോ. ജി. ജയദേവൻ ഉദ്ഘാടനം ചെയ്തു. പി.ടി.എ പ്രസിഡന്റ് സുബാഷ് ചന്ദ്രൻ അദ്ധ്യക്ഷത വഹിച്ചു. നീരാവിൽ ഡിവിഷൻ കൗൺസിലർ ബി. അനിൽകുമാർ, പ്രിൻസിപ്പൽ ആർ. സിബില, എച്ച്.എം എസ്.കെ. മിനി, എൻ.എസ്.എസ് പ്രോഗ്രാം ഓഫീസർ എസ്.ടി. ഷാജു തുടങ്ങിയവർ സംസാരിച്ചു.