 പത്തനാപുരത്ത് എത്തുന്നവർക്ക് വഴിതെറ്റുന്നത് നിത്യസംഭവം

പ​ത്ത​നാ​പു​രം: വ്യക്തമായ ദിശാസൂചക ബോർഡുകളില്ലാത്തതിനാൽ ശബരിമല ഉൾപ്പെടെയുള്ള ക്ഷേത്രങ്ങളിലേക്ക് പോകുന്ന തീർത്ഥാടകർ പത്തനാപുരം നഗരഹൃദയത്തിലും ജില്ലാ അതിർത്തിയായ കല്ലുംകടവിലും എത്തിയാൽ ദിശയറിയാതെ നട്ടം തിരിയേണ്ട ഗതികേടിലാണ്. അന്യസംസ്ഥാനങ്ങളിൽ നിന്നുൾപ്പെടെ എത്തുന്ന തീർ​ത്ഥാ​ട​കർ വ​ഴി​തെ​റ്റി കി​ലോ​മീ​റ്റ​റു​ക​ളോ​ളം സഞ്ചരിക്കുന്നത് ഇവിടെ നിത്യസംഭവമാണ്.

വാ​ള​കം, പ​ത്ത​നാ​പു​രം, ശ​ബ​രി​ ബൈ​പാ​സി​ലൂ​ടെ എ​ത്തു​ന്ന തീർ​ത്ഥാ​ട​കർ പ​ത്ത​നാ​പു​രം ടൗ​ണിൽ എ​ത്തി​യ ശേ​ഷം പു​ന​ലൂർ ഭാ​ഗ​ത്തേ​ക്ക് പോ​കു​ന്ന​ത് പ​തി​വാ​ണ്. കി​ലോ​മീ​റ്റ​റു​കൾ സ​ഞ്ച​രി​ച്ച​ശേ​ഷ​മാ​ണ് വ​ഴി തെ​റ്റി​യ വി​വ​രം ഇവർ അ​റി​യു​ക. അ​ടൂർ കാ​യം​കു​ളം ഭാ​ഗ​ത്തേ​ക്ക് വ​ഴി​തെ​റ്റി​പ്പോ​കു​ന്ന വാ​ഹ​ന​ങ്ങൾ മി​ക്ക​വാ​റും അ​ടൂ​രെ​ത്തി​യ ശേ​ഷ​മാ​ണ് അ​ബ​ദ്ധം മ​ന​സി​ലാ​ക്കു​ക. പി​ന്നീ​ട് കി​ലോ​മീ​റ്റ​റു​കളോ​ളം ചു​റ്റി സ​ഞ്ച​രി​ക്കേ​ണ്ട ഗ​തി​കേ​ടി​ലാ​കും. രാ​ത്രി​കാ​ല​ങ്ങ​ളിൽ എത്തു​ന്ന തീർ​ത്ഥാ​ട​കരാണ് ഏറെയും ബുദ്ധിമുട്ടുന്നത്.

ജില്ലാ അതിർത്തിയായ ക​ല്ലും​ക​ട​വിലെത്തി വ​ഴി തി​രി​ഞ്ഞു​പോ​കു​ന്ന​വ​രാ​ണ് ഏ​റെ​യും. ഇവിടെ ദി​ശാ​സൂ​ച​ക ബോർ​ഡു​കൾ സ്ഥാ​പി​ച്ചി​ട്ടു​ണ്ടെ​ങ്കി​ലും ഇ​വ​യെ മ​റ​ച്ച് സ്വ​കാ​ര്യ സ്ഥാ​പ​ന​ങ്ങ​ളു​ടെ​യും രാ​ഷ്ട്രീ​യ പാർ​ട്ടി​ക​ളു​ടെ​യും ബോർ​ഡ് സ്ഥാ​പി​ച്ചി​രി​ക്കു​ക​യാ​ണ്. പ​രി​പാ​ടി ക​ഴി​ഞ്ഞാ​ലും നീ​ക്കം ചെ​യ്യാ​ത്ത ബോർഡുകൾ അധികൃതരോ ബന്ധപ്പെട്ട രാഷ്ട്രീയപ്പാർട്ടികളോ എടുത്ത് മാറ്റാൻ വേണ്ട നടപടികൾ സ്വീകരിക്കാറുമില്ല.