# കീഴടക്കിയത് മൽപ്പിടിത്തത്തിലൂടെ,

# മൊബൈലിൽ പകർത്തിയ സുഹൃത്തും പിടിയിൽ

കൊ​ല്ലം​:​ ​സ​ർ​ക്കി​ൾ​ ​ഇ​ൻ​സ്പെക്ട​റെ​യും​ ​മൂ​ന്ന് ​പൊ​ലീ​സു​കാ​രെ​യും​ ​മദ്യലഹരിയിൽ ആക്രമിച്ച യുവാവിനെ മൽപ്പിടിത്തത്തിലൂടെ കീഴ്പ്പെടുത്തി. അക്രമരംഗങ്ങൾ മൊബൈലിൽ പകർത്തി സമൂഹമാദ്ധ്യമങ്ങളിൽ പ്രചരിപ്പിക്കാൻ ശ്രമിച്ച സുഹൃത്തും കൊല്ലം വെസ്റ്റ് പൊലീസിന്റെ പിടിയിലായി. ​

ഇ​ന്നലെ ​പു​ല​ർ​ച്ചെ​ 3.30​ന് ​കൊ​ല്ലം​ ​കൊ​ച്ചു​കൊ​ടു​ങ്ങ​ല്ലൂ​ർ​ ​ക്ഷേ​ത്ര​ത്തി​ന് ​സ​മീ​പ​മാ​ണ് ​സം​ഭ​വം.​ ​കിളിമാനൂർ കൊടുവഴന്നൂർ ​ദീപാലയത്തിൽ ദീ​പു​ ​(25​),​ ​ഒ​പ്പ​മു​ണ്ടാ​യി​രു​ന്ന​ ​കോ​ഴി​ക്കോ​ട് ​സ്വ​ദേ​ശി​ ​സ​നൂജ് ​എ​ന്നി​വ​രാണ്​ ​അ​റ​സ്റ്റിലായത്.​ ​ഇരുവരും നഗരത്തിലെ പ്രമുഖ ബേക്കറിയിലെ പാചകതൊഴിലാളികളാണ്. പ്ര​തി​ക​ൾ​ക്കെ​തി​രെ​ ​പൊലീസിനെ ആക്രമിച്ചതിനും കൃ​ത്യ​ ​നി​ർ​വ​ഹ​ണം​ ​ത​ട​സ​പ്പെ​ടു​ത്തി​യ​തും​ ​അടക്കം ജാമ്യമില്ലാ വകുപ്പുകൾ ചു​മ​ത്തിയാണ് കേസെടുത്തത്.

പുലർച്ചെ ജീപ്പിൽ വന്ന സി.ഐ അജിത് കുമാർ കൊച്ചുകൊടുങ്ങല്ലൂർ ക്ഷേത്രത്തിന് സമീപം സംശയകരമായ സാഹചര്യത്തിൽ കണ്ട യുവാക്കളോട് കാര്യം തിരക്കി. ഈ സമയം ക്ഷേത്രത്തിന്റെ ഗേറ്റിൽ തലയിടിച്ചശേഷം നിലത്തുകിടന്ന ദീപു ചാടിയെണീറ്റ് സി.ഐയെ ആക്രമിക്കുകയായിരുന്നു. തടസ്സം പിടിക്കാനെത്തിയ ഡ്രൈവർ ബെൻഹറിനെയും ആക്രമിച്ചു. തി​ക​ഞ്ഞ​ ​അ​ഭ്യാ​സി​യെപ്പോലെ ആക്രമണം തുടർന്ന ദീപുവിനെ കീഴ്പ്പെടുത്താനായില്ല. ഈ സമയം സനൂജ് മൊബൈലിൽ ദൃശ്യങ്ങൾ പകർത്തുകയായിരുന്നു. ​​മ​റ്റ് ​വാ​ഹ​ന​ങ്ങ​ളി​ൽ​ ​എ​ത്തി​യ​വ​ർ​ ​ഇ​റ​ങ്ങി​ ​ത​ട​സം​ ​പി​ടി​ക്കാ​ൻ​ ​തു​ട​ങ്ങി​യെ​ങ്കി​ലും​ ​അ​വ​രെ​യും​ ​ദീ​പു​ ​ആ​ക്ര​മിച്ചു.​ ​തു​ട​ർ​ന്ന് ​വെ​സ്റ്റ്,​ ​ഈ​സ്റ്റ് ​സ്റ്റേ​ഷ​നു​ക​ളി​ൽ​ ​നി​ന്നെത്തിയ​ ​പൊ​ലീ​സു​കാ​രെയും ആക്രമിച്ചു. ​ഇ​തി​ൽ​ ​വി​ൽ​സ​ൺ,​ ​ഷെ​മീ​ർ​ ​എ​ന്നീ​ ​ഉ​ദ്യോ​ഗ​സ്ഥർക്ക് പരിക്കേറ്റു.​ ഏറെ നേരത്തെ മൽപ്പിടിത്തത്തിലൂടെ ദീപുവിനെ കീഴ്പ്പെടുത്തി കൈകൾ പിന്നിലാക്കി കെട്ടുകയായിരുന്നു. പ​രി​ക്കേ​റ്റ​ ​സി.​ഐ​ ​ഉ​ൾ​പ്പെ​ടെ​ ​നാ​ല് ​പൊ​ലീ​സു​കാ​രെ​യും​ ​പ്രതി ദീപുവിനെയും ജി​ല്ലാ​ ​ആ​ശു​പ​ത്രി​യി​ൽ​ ​പ്ര​വേ​ശി​പ്പി​ച്ച് ​പ്രാ​ഥ​മി​ക​ ​ശു​ശ്രൂ​ഷ​ ​ന​ൽ​കി​. രാത്രിയോടെ കോടതിയിൽ ഹാജരാക്കിയ ദീപുവിനെയും സനൂജിനെയും റിമാന്റ് ചെയ്തു.