കുണ്ടറ: ഇ​ള​മ്പ​ള്ളൂർ​ - പു​ന്ന​മു​ക്ക് റോ​ഡിൽ കൊ​ല്ലം​ - തി​രു​മം​ഗ​ലം ദേ​ശീ​യ പാ​ത​യി​ലേ​ക്ക് പ്രവേശിക്കുന്ന ഭാഗത്തെത്തുന്ന യാത്രക്കാർ ഇവിടെ സ്ഥാപിച്ചിരിക്കുന്ന ദിശാസൂചക ബോർഡ് നോക്കിയാൽ വഴിതെറ്റിയത് തന്നെ. റോഡിന്റെ പുനർനിർമ്മാണത്തിന് ശേഷം പൊതുമരാമത്ത് വകുപ്പ് സ്ഥാപിച്ച ബോർഡാണ് യാത്രക്കാരെ കുഴയ്ക്കുന്നത്.

ഇ​ള​മ്പ​ള്ളൂ​ർ ക്ഷേ​ത്ര​ത്തി​ന് പി​ന്നിൽ കോ​വിൽ​മു​ക്കി​ലേ​ക്കും ദേ​ശീ​യ​പാ​ത​യി​ലേ​ക്കും വ​ഴി തി​രി​യു​ന്ന​തി​ന് മുമ്പാ​ണ് തെറ്റായ വഴി രേഖപ്പെടുത്തി ബോർ​ഡ് സ്ഥാ​പി​ച്ചി​ട്ടു​ള്ള​ത്. ദേ​ശീ​യ​പാ​ത​യി​ലേ​ക്ക് ക​യ​റി​ ഇടത്തേക്ക് തിരിഞ്ഞാൽ കൊല്ലത്തേക്ക് പോകാമെന്നിരിക്കെ വലത്തേക്ക് കൊട്ടാരക്കര ഭാഗത്തേക്കാണ് കൊല്ലത്തേക്കുള്ള വഴി സൂചിപ്പിച്ചിരിക്കുന്നത്. തൊ​ട്ടു​മു​ക​ളിൽ കേ​ര​ള​പു​രം എ​ന്ന​തി​ന് താ​ഴെ ശ​രി​യാ​യ ദി​ശാ​സൂ​ച​ക​മാ​ണു​ള്ള​ത്. ഇ​തേദി​ശ​യിൽ ത​ന്നെ​യാ​ണ് കൊ​ല്ല​ത്തേ​ക്കു​ള്ള സൂ​ച​ക​വും വ​രേ​ണ്ട​ത്. അതേസമയം വലത്തേക്ക് തിരിഞ്ഞ് കൊ​ട്ടാ​ര​ക്ക​ര​യി​ലേ​ക്ക് പോ​കാമെന്നുള്ളത് ബോർഡിൽ ഇല്ലതാനും.

കാ​ല​ങ്ങ​ളാ​യി ത​കർ​ന്നു​കി​ട​ന്ന പു​ന്ന​മു​ക്ക് ഇ​ള​മ്പ​ള്ളൂർ റോ​ഡ് വീ​തി കൂ​ട്ടി ടാർ ചെ​യ്​തി​രു​ന്നു. ഇ​തി​ന് ശേ​ഷ​മാ​ണ് ദിശാസൂചക ബോർഡ് സ്ഥാ​പി​ച്ച​ത്. ബോർ​ഡ് യാ​ത്ര​ക്കാ​രെ വ​ഴി​തെ​റ്റി​ക്കു​ന്ന​താ​ണെ​ന്ന് വ്യ​ക്ത​മാ​യി​ട്ടും ഇ​ത് മാ​റ്റു​ന്ന​തി​ന് അ​ധി​കൃ​തർ ഇ​തു​വ​രെ ന​ട​പ​ടി​യെ​ടു​ത്തി​ട്ടി​ല്ല.