കൊട്ടാരക്കര: ശിവഗിരി മഠത്തിൽ സ്വാമി സച്ചിതാനന്ദയുടെ മുഖ്യ കാർമ്മികത്വത്തിൽ 19 മുതൽ 22 വരെ എഴുകോണിൽ നടക്കുന്ന ശ്രീനാരായണ ദിവ്യപ്രബോധനത്തിന്റെയും ധ്യാനത്തിന്റെയും ഭാഗമായി എസ്.എൻ.ഡി.പി യോഗം 2118ാം കാരുവേലിൽ ശിവമംഗലം, 829ാം നമ്പർ കാരുവേലിൽ ശാഖകളിൽ പീതാംബര ദീക്ഷ നൽകൽ ചടങ്ങ് ഭക്തി നിർഭരമായി സംഘടിപ്പിച്ചു. ശാഖാ മന്ദിരങ്ങളിൽ നടന്ന ചടങ്ങുകൾ കൊട്ടാരക്കര യൂണിയൻ പ്രസിഡന്റ് സതീഷ് സത്യപാലൻ ഉദ്ഘാടനം ചെയ്തു. യോഗം ബോർഡ് മെമ്പർ എൻ. രവീന്ദ്രൻ യജ്ഞ വിശദീകരണം നടത്തി.

യൂണിയൻ സെക്രട്ടറി ജി. വിശ്വംഭരൻ, വൈസ് പ്രസിഡന്റ് ജി. മധുസൂദനൻ, യൂണിയൻ കൗൺസിലർമാരായ വി. അനിൽകുമാർ, സി. ശശിധരൻ എന്നിവർ പങ്കെടുത്തു. ശിവമംഗലം ശാഖയിൽ ശാഖാ പ്രസിഡന്റ് എൻ. ഷൺമുഖൻ, സെക്രട്ടറി സുരേന്ദ്രൻ സീലാന്റ്, വനിതാസംഘം യൂണിയൻ കൗൺസിലർ കെ.സത്യഭാമ എന്നിവരും കാരുവേലിൽ ശാഖയിൽ പ്രസിഡന്റ് എൽ. തുളസീധരൻ, വൈസ് പ്രസിഡന്റ് ഉദയൻ, ട്രഷറർ ബി. അനീഷ്, എസ്.സുഗതൻ എന്നിവരും നേതൃത്വം നൽകി. കാരുവേലിൽ കുമാരമംഗലം ശാഖയിൽ നിന്നുള്ള അംഗങ്ങളും ഇവിടെയെത്തി യജ്ഞ ശാന്തി ഡി. ശിശുപാലനിൽ നിന്നും പീതാംബര ദീക്ഷ ഏറ്റുവാങ്ങി.

യജ്ഞത്തിൽ പങ്കെടുക്കുന്ന വനിതകൾക്ക് യൂണിയൻ ഏർപ്പെടുത്തിയ പീത വസ്ത്രം ചടങ്ങിൽ കൈമാറി. എസ്.എൻ.ഡി.പി യോഗം കൊട്ടാരക്കര യൂണിയന്റെയും എഴുകോൺ, കാരുവേലി കുമാരമംഗലം, കാരുവേലി 829, കാരുവേലി ശിവമംഗലം, അമ്പലത്തുംകാല, ഇടയ്ക്കോട്, ചൊവ്വള്ളൂർ, കാക്കക്കോട്ടൂർ ശാഖകളുടെയും സംയുക്താഭിമുഖ്യത്തിലാണ് യജ്ഞം സംഘടിപ്പിക്കുന്നത്.