കൊല്ലം:ശബ​രി​മല തീർത്ഥാ​ട​ന​വു​മായി ബന്ധ​പ്പെട്ട് പുന​ലൂർ റെയിൽവേ സ്റ്റേഷ​നിലെ അനി​യ​ന്ത്രി​ത​മായ തിരക്ക് ഒഴി​വാ​ക്കു​ന്ന​തിനും ശബ​രി​മല തീർത്ഥാ​ട​കർക്ക് യാത്രാ​സൗ​ക​ര്യ​മൊ​രു​ക്കു​ന്ന​തിനും വേണ്ടി പുന​ലൂർ​-​ചെ​ങ്കോട്ട വഴി കോയ​മ്പ​ത്തൂർ​-​കൊല്ലം സ്‌പെഷ്യ​ൽ ട്രെയിൻ അനു​വ​ദി​ക്ക​ണ​മെന്ന് എൻ.​കെ. പ്രേമ​ച​ന്ദ്രൻ എം.​പി ദക്ഷിണ റെയിൽവേ ജന​റൽ മാനേ​ജ​രോട് ആവ​ശ്യ​പ്പെ​ട്ടു. ശബ​രി​മ​ല​യു​മായി ചരി​ത്ര​പ​ര​മായും ആചാ​ര​പ​ര​മായും ബന്ധ​പ്പെട്ടു കിട​ക്കുന്ന അച്ചൻകോ​വിൽ, ആര്യ​ങ്കാ​വ്, കുള​ത്തൂ​പ്പുഴ അയ്യ​പ്പ​ക്ഷേ​ത്ര​ങ്ങ​ളിൽ ദർശനം നട​ത്തു​വാൻ ധാരാളം തീർത്ഥാ​ട​കർ എത്തു​ന്നുണ്ട്. മടങ്ങിപ്പോകാൻ താംബരം എക്‌സ് പ്രസ് മാത്രമാണ് ആശ്ര​യം. ദിവ​സ​ങ്ങൾ പുന​ലൂ​രിൽ തങ്ങി​യ​ശേ​ഷ​മാണ് മട​ക്ക​യാത്ര സാധ്യ​മാ​കു​ന്ന​ത്. ശബ​രി​മ​ല​യു​മായി ഏറ്റവും അടുത്ത റെയിൽവേ സ്റ്റേഷൻ പുന​ലൂരാണ്. ഇവിടെ മണ്ഡ​ല​കാല മക​ര​വി​ളക്ക് ദിവ​സ​ങ്ങ​ളിൽ തീർത്ഥാ​ട​ക​രുടെ ബാഹുല്യം വർദ്ധി​ക്കും. പുന​ലൂർ റെയിൽവേ സ്റ്റേഷന്റെ സവി​ശേ​ഷത കണ​ക്കി​ലെ​ടുത്ത് പുന​ലൂർ​-​ചെ​ങ്കോട്ട വഴി കോയ​മ്പ​ത്തൂർ നിന്നും കൊല്ല​ത്തേക്ക് സ്‌പെഷ്യൽ ട്രെയി​നു​കൾ അനു​വ​ദി​ക്കാൻ സത്വ​ര​ന​ട​പടി സ്വീക​രി​ക്ക​ണ​മെന്നും എൻ.​കെ. പ്രേമ​ച​ന്ദ്രൻ എം.​പി ആവ​ശ്യ​പ്പെ​ട്ടു.