കൊല്ലം: ക്രിസ്​മ​സ്-പുതു​വ​ത്സര ദിവ​സ​ങ്ങ​ളിൽ ക്രമ​സ​മാ​ധാ​ന​പാ​ല​നം ഉറ​പ്പാ​ക്കു​ന്ന​തിനും റോഡ് അപ​ക​ട​ങ്ങൾ ഒഴി​വാ​ക്കു​ന്ന​തിനും പരിശോധന കർശനമാക്കുമെന്ന് ജില്ലാ കളക്ടർ ബി. അബ്ദുൽ നാസർ പറഞ്ഞു.

ആഘോഷ വേള​യിലെ ക്രമീ​ക​ര​ണ​ങ്ങൾ വില​യി​രു​ത്താൻ ചേർന്ന ജില്ലാതല ഉദ്യോഗ​സ്ഥ​രുടെ യോഗ​ത്തിൽ അദ്ധ്യ​ക്ഷത വഹി​ക്കു​ക​യാ​യി​രുന്നു കളക്ടർ. ഉത്സ​വ​കാ​ലത്ത് ഭക്ഷ​ണ​ശാ​ല​ക​ളിൽ കർശന പരി​ശോ​ധന നട​ത്താൻ ആരോഗ്യ വകു​പ്പിനെ ചുമ​ത​ല​പ്പെ​ടു​ത്തി. അള​വു​കളും തൂക്ക​ങ്ങളും വിലയിരുത്താൻ വകുപ്പുതല പരി​ശോ​ധന ശക്തി​പ്പെ​ടു​ത്ത​ണം. സപ്ലൈ ഓഫീ​സിന്റെ നേതൃ​ത്വ​ത്തിൽ പൂഴ്‌ത്തി​വയ്പ്പ് ഉൾപ്പടെ വില​ക്ക​യ​റ്റ​ത്തിന് ഇട​യാ​ക്കുന്ന പ്രവർത്ത​ന​ങ്ങൾ തട​യ​ണം. ന്യായ​വി​ലയ്ക്ക് സാധ​ന​ങ്ങൾ നൽകാൻ താലൂക്കുതല സംവി​ധാനം ഒരു​ക്കു​ന്നത് പരി​ശോ​ധി​ക്കാൻ ജില്ലാ സപ്ലൈ ഓഫീ​സ​റെ​യും ചുമ​ത​ല​പ്പെ​ടു​ത്തി.
വ്യാജ​മ​ദ്യ​ത്തിന്റെ അപ​കടം മുന്നിൽക​ണ്ട് പൊലീസും എക്‌സൈസും സംയുക്ത പരി​ശോ​ധ​ന​ക​ൾ നട​ത്ത​ണം. മാലി​ന്യ​നി​ക്ഷേപം തട​യാൻ പ്രത്യേക സ്‌ക്വാഡു​കൾ രംഗത്തിറ​ങ്ങണം. തദ്ദേശ സ്ഥാപ​ന​ങ്ങ​ളിലെ ആരോഗ്യ വിഭാഗം ഉദ്യോ​ഗ​സ്ഥർ ഇക്കാ​ര്യ​ത്തിൽ ജാഗ്രത പുലർത്ത​ണം. ഒഴിവ് ദിവ​സ​ങ്ങ​ളിൽ കായൽ​-​വ​യൽ നിക​ത്തൽ പോലുള്ള അന​ധി​കൃത പ്രവർത്ത​ന​ങ്ങൾക്ക് സാദ്ധ്യത നില​നിൽക്കെ മുഴു​വൻ സമയ ജാഗ്രത പാലി​ക്കാൻ തഹ​സീൽദാർമാരെ കള​ക്ടർ ചുമ​ത​ല​പ്പെ​ടു​ത്തി​.