പത്തനാപുരം: എസ്.എൻ.ഡി.പി യോഗം 2565-ാം നമ്പർ മഹാദേവർ മൺ ശാഖയുടെ രണ്ടാമത് കുടുംബയോഗം രൂപീകരിച്ചു. ശാഖാ സെക്രട്ടറി ആർ. മോഹനന്റെ വസതിയിൽ നടന്ന യോഗം എസ്.എൻ.ഡി.പി യോഗം ഡയറക്ടർ ബോർഡ്‌ അംഗം എം.എം. രാജേന്ദ്രൻ ഉദ്ഘാടനം ചെയ്തു. ശാഖാ പ്രസിഡന്റ് എം. ശിവദാസൻ അദ്ധ്യക്ഷത വഹിച്ചു. യുണിയൻ കൗൺസിലറും യൂത്ത് മൂവ്മെന്റ് യൂണിയൻ പ്രസിഡന്റുമായ റിജു വി. ആമ്പാടി മുഖ്യപ്രഭാഷണം നടത്തി. ശാഖാ വനിതാസംഘം പ്രസിഡന്റ് രമ്യാ അരവിന്ദൻ, സെക്രട്ടറി ചന്ദ്രവല്ലി, സൈബർസേന യൂണിയൻ കൗൺസിലർ സജിത്ത് മൈയ്ക്കാമൺ എന്നിവർ സംസാരിച്ചു. ശാഖാ സെക്രട്ടറി ആർ. മോഹനൻ സ്വാഗതവും യൂത്ത് മൂവ്മെന്റ് യൂണിറ്റ് പ്രസിഡന്റ് രാജേഷ് ചണ്ണക്കാമൺ നന്ദിയും പറഞ്ഞു.
ഭാരവാഹികളായി വിനോദ് (ചെയർമാൻ), സുധീഷ് (കൺവീനർ), അഞ്ജലി, ബിന്ദു, ജയശ്രീ, സുന്ദരൻ, സജിത്ത് (കമ്മറ്റി അംഗങ്ങൾ) എന്നിവരെ തിരഞ്ഞെടുത്തു.