ചേർപ്പ്: പാലയ്ക്കൽ കണിമംഗലം പാടത്തെ കനാലിൽ വിദ്യാർത്ഥി മുങ്ങി മരിച്ചു. പാലയ്ക്കൽ പുത്തൂർ വീട്ടിൽ ഫ്രാൻസിസിന്റെ മകൻ എഡ്‌വിനാണ് (16) മരിച്ചത്. കൂർക്കഞ്ചേരി ജെ.പി.ഇ സ്കൂളിലെ പ്ലസ് വൺ വിദ്യാർത്ഥിയാണ്. ഇന്നലെ ഉച്ചയ്ക്ക് മറ്റു രണ്ടു കുട്ടികളോടൊപ്പം മീൻ പിടിക്കാനായി പോയതായിരുന്നു. തുടർന്ന് കുളിക്കാനായി കനാലിൽ ഇറങ്ങിയപ്പോൾ താഴ്ന്നു പോവുകയായിരുന്നു. കൂടെയുണ്ടായിരുന്ന കുട്ടികളുടെ കരച്ചിൽ കേട്ട് സമീപത്തെ കമ്പനിയിലെ ജീവനക്കാരും നാട്ടുകാരും ചേർന്ന് കുട്ടിയെ കനാലിൽ നിന്നു പുറത്തെടുത്ത് കൂർക്കഞ്ചേരിയിലെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. അമ്മ: ലിജി. സഹോദരൻ: ഫ്രെഡി.