ചിറയിൻകീഴ്: എസ്.എൻ.ഡി.പി യോഗം ഗുരുസാഗരം ശാഖയുടെ രണ്ടാമത് വാർഷികം ചിറയിൻകീഴ് യൂണിയൻ പ്രസിഡന്റ് സി.വിഷ്ണുഭക്തൻ 14ന് വൈകിട്ട് 3ന് ഉദ്ഘാടനം ചെയ്യും.ചിറയിൻകീഴ് സ്വാമിജി ആഡിറ്റോറിയത്തിൽ ശാഖാ പ്രസിഡന്റ് ബി.സുരേന്ദ്രൻ അദ്ധ്യക്ഷത വഹിക്കും.രോഗബാധിതർക്കുള്ള ധനസഹായ വിതരണം സി.വിഷ്ണുഭക്തനും പ്രതിഭാസംഗമം ക്യാഷ് അവാർഡ്,പുരസ്കാര വിതരണം എന്നിവ യൂണിയൻ സെക്രട്ടറി ശ്രീകുമാർ പെരുങ്ങുഴിയും നിർവഹിക്കും.എസ്.എൻ ട്രസ്റ്റ് ലൈഫ് മെമ്പർ ഡോ.ബി.സീരപാണി ഗുരുദേവ പ്രഭാഷണവും യോഗം കൗൺസിലർ ഡി.വിപിൻരാജ് മുഖ്യപ്രഭാഷണവും നടത്തും.യൂണിയൻ വൈസ് പ്രസിഡന്റ് പ്രദീപ് സഭവിള,ശിവഗിരി യൂണിയൻ സെക്രട്ടറി അജി.എസ്.ആർ.എം, ട്രസ്റ്റ് മെമ്പ‌ർ ഡി.രാജേന്ദ്രൻ,യോഗം ഡയറക്ടർ അഴൂർ ബിജു, കൗൺസിലർമാരായ സി.കൃത്തിദാസ്, ചിത്രാംഗദൻ, എസ്.സുന്ദരേശൻ എന്നിവർ സംസാരിക്കും.ഗുരുസാഗരം ശാഖാ സെക്രട്ടറി സുനിലാൽ.എസ് സ്വാഗതവും വനിതാസംഘം സെക്രട്ടറി ദീപ ആർ.എസ് നന്ദിയും പറയും.