കോട്ടയം: പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ പന്തളം സ്വദേശി അബ്ദുൾ സലാമിനെ (58) പോക്‌സോ നിയമപ്രകാരം അറസ്റ്റ് ചെയ്തു. കഴിഞ്ഞ 27നാണ് കേസിനാസ്പദമായ സംഭവം. ഒറ്റയ്ക്കായിരുന്ന പെൺകുട്ടി വീടിന് മുമ്പിൽ നിൽക്കുമ്പോൾ സ്‌കൂട്ടറിലെത്തിയ പ്രതി ബലമായി വീടിനുള്ളിൽ എത്തിച്ച് പീഡിപ്പിക്കുകയായിരുന്നു. വിവരം പുറത്തു പറഞ്ഞാൽ കൊല്ലുമെന്ന് ഭീഷണിപ്പെടുത്തുകയും ചെയ്തു.
എന്നാൽ പെൺകുട്ടി ഈ വിവരം മാതാവിനെ അറിയിച്ചതിനെ തുടർന്ന് രക്ഷിതാക്കൾ പൊലീസിൽ പരാതി നൽകുകയായിരുന്നു. പെൺകുട്ടി നൽകിയ വിവരങ്ങളുടെ അടിസ്ഥാനത്തിലാണ് പന്തളം എസ്.ഐ ശ്രീകുമാർ പ്രതിയെ പിടികൂടിയത്.