മലയിൻകീഴ്: മലയിൻകീഴ് ഗ്രാമപഞ്ചായത്തും ഹോമിയോപ്പതി വകുപ്പും സംയുക്തമായി സംഘടിപ്പിക്കുന്ന മെഡിക്കൽ ക്യാമ്പ് ഇന്ന് രാവിലെ 9 മുതൽ മലയിൻകീഴ് ദ്വാരക ആഡിറ്റോറിയത്തിൽ നടക്കും. ജില്ലാ ഹോമിയോപ്പതി വകുപ്പ് തൈറോയ്ഡ് ഡിസോർഡേഴ്സ് കെയർ യൂണിറ്റിന്റെ ആഭിമുഖ്യത്തിൽ നടക്കുന്ന ക്യാമ്പിൽ സൗജന്യ തൈറോയ്ഡ് രോഗനിർണയ രക്തപരിശോധനയുമുണ്ടാകും. ഗ്രാമപഞ്ചായത്ത് പ്രസിഡന്റ് എസ്. രാധാകൃഷ്ണൻനായർ മെഡിക്കൽ ക്യാമ്പ് ഉദ്ഘാടനം ചെയ്യും. ആരോഗ്യ സ്റ്റാൻഡിംഗ് കമ്മിറ്റി ചെയർമാൻ വി.എസ്. ശ്രീകാന്തിന്റെ അദ്ധ്യക്ഷതയിൽ ചേരുന്ന യോഗത്തിൽ ജില്ലാ ഹോമിയോ മെഡിക്കൽ ഓഫീസർ ഡോ. സി.എസ്. പ്രദീപ്, ജില്ലാപഞ്ചായത്ത് അംഗങ്ങളായ എസ്. ശോഭനകുമാരി, വി.ആർ. രമാകുമാരി,​ ഗ്രാമപഞ്ചായത്ത് വൈസ് പ്രസിഡന്റ് സരോജിനിഅമ്മ, ബ്ലോക്ക് പഞ്ചായത്ത് അംഗം മായാരാജേന്ദ്രൻ, ഗ്രാമപഞ്ചായത്ത് അംഗങ്ങളായ വി.വിജയകുമാർ, എസ്.ചന്ദ്രൻനായർ, കെ. ഷിബുലാൽ, നടുക്കാട് അനിൽ, സി.വൈ. ജോയി, ഡി.ആർ. അജികുമാർ, ഡോ.കെ.എം.ഫെമിന, ഡോ.നിഷ.വി.രാജ്, ഡോ.ആർ.എസ്. രമ്യ എന്നിവർ സംസാരിക്കും. ക്യാമ്പിനോടനുബന്ധിച്ച് നടക്കുന്ന ആരോഗ്യ ബോധവത്കരണ ക്ലാസിന് ഡോ.എ.ജെ. അഗസ്റ്റിൻ നേതൃത്വം നൽകും.