തിരുവനന്തപുരം: രാജ്യാന്തര ചലച്ചിത്ര മേളയുടെ ഡെലിഗേറ്റ് സെല്ലും ഫെസ്റ്റിവൽ ഓഫീസും മന്ത്രി എ.കെ. ബാലൻ ഉദ്ഘാടനം ചെയ്യും. നാളെ രാവിലെ 11ന് ടാഗോർ തിയേറ്ററിലാണ് ഫെസ്റ്റിവൽ ആഫീസും ഡെലിഗേറ്റ് സെല്ലും പ്രവർത്തനം ആരംഭിക്കുന്നത്. നടി അഹാന കൃഷ്ണകുമാറിന് ആദ്യ പാസ് നൽകിയാണ് പാസ് വിതരണത്തിന് തുടക്കം കുറിക്കുന്നത്. നടൻ ഇന്ദ്രൻസ്, ചലച്ചിത്ര അക്കാഡമി ചെയർമാൻ കമൽ, വൈസ് ചെയർപേഴ്‌സൺ ബീനാ പോൾ, സെക്രട്ടറി മഹേഷ് പഞ്ചു, എക്‌സിക്യൂട്ടിവ് ബോർഡ് അംഗം സിബി മലയിൽ തുടങ്ങിയവർ പങ്കെടുക്കും.