തിരുവനന്തപുരം: ഓൺലൈൻ വഴി പണം തട്ടിപ്പ് നട​ത്തുന്ന ഉത്ത​രേന്ത്യക്കാ​ര​നായ പ്രതി പിടിയിൽ. മല​യാ​ളി​ക​ള​ട​ക്ക​മു​ള്ള​വരുടെ സ്റ്റീൽ കമ്പ​നി​കൾക്ക് സ്റ്റീൽ ഉൽപ​ന്ന​ങ്ങൾ ഓൺലൈൻ വഴി വാഗ്ദാനം ചെയ്ത് വൻതു​ക​ തട്ടി​യെ​ടുത്ത് മുങ്ങുന്ന കേസിലെ മുഖ്യ​പ്ര​തി​യായ വിശാ​ഖ​പ​ട്ടണം സ്വ​ദേശി വട​ല​മണി രവി ശങ്കറിനെയാണ് ( 28) തിരു​വ​ന​ന്ത​പുരം സൈബർ ക്രൈം പൊലീസ് സംഘം കൊൽക്ക​ത്ത​യി​ലെത്തി അറസ്റ്റ് ചെയ്ത​ത്.

നവീൻ ഏജൻസീസ് എന്ന സ്റ്റീൽ കമ്പ​നി​യുടെ ഉട​മയുടെ പരാതിയെ തുടർന്നാണ് അറസ്റ്റ്. പ്രതി കുറഞ്ഞ വിലയ്ക്ക് സ്റ്റീൽ വാഗ്ദാനം ചെയ്ത പരസ്യം ഓൺലൈനിൽ കണ്ടാണ് ഓർഡർ നൽകി​യ​ത്. ഇയാൾ കമ്പനിയുടമയെ ഫോണിൽ ബന്ധ​പ്പെട്ട് പണം ആവ​ശ്യ​പ്പെ​ടു​കയും പല ബാങ്കു​ക​ളുടെ അക്കൗ​ണ്ടു​ക​ളി​ലേക്ക് പണം അയ​ച്ചു​കൊ​ടു​ക്കു​കയും ചെയ്തു. സ്റ്റീൽ അയ​ച്ചി​ട്ടു​ണ്ടെന്നും വാഹനം വരുന്ന വഴിക്ക് കേടാ​യെന്നും പറഞ്ഞ് വീണ്ടും പണം ആവ​ശ്യ​പ്പെട്ടപ്പോഴാണ് സംശയം തോന്നി പൊലീസിനെ സമീപിച്ചത്.

തിരു​വ​ന​ന്ത​പുരം റെയ്ഞ്ച് ഡി.​ഐ.ജി സഞ്ജ​യ്‌ കു​മാർ ഗുരുദിന്റെ മേൽനോ​ട്ട​ത്തിലായിരുന്നു അന്വേഷണം. സൈബർ ക്രൈം ഡിവൈ.​എ​സ്.പി ജീജി എൻ, പൊലീസ് ഇൻസ്‌പെ​ക്ടർ റോജ്.ആർ എന്നി​വ​രുടെ നേതൃത്വത്തിൽ പ്രതി​യുടെ എ.​ടി.എം കാർഡ്, ഇ-​മെ​യിൽ, സിസി ടിവി ഫൂട്ടേജ് എന്നിവ പരി​ശോ​ധിച്ചപ്പോൾ, ഇയാൾ കൊൽക്കത്ത യിലുള്ളതായി കണ്ടെത്തി. തുടർന്ന് അവിടത്തെ പൊലീ​സിന്റെ സഹാ​യ​ത്തോടെ ഇൻസ്‌പെ​ക്ടർ റോജ്.​ആർ, എസ്.ഐ ബിജു​കു​മാർ, സി.പി.ഒമാരായ ശബ​രീ​നാഥ്, വിജേഷ് എന്നി​വർ ചേർന്ന് ഇയാളെ പിടികൂടുകയായിരുന്നു. പ്രതി​യിൽ നിന്നും മറ്റൊ​രാ​ളിന്റെ പേരി​ലെ​ടുത്ത ബാങ്ക് അക്കൗണ്ട് വിവ​ര​ങ്ങളും സിം കാർഡു​കൾ,​ എ.​ടി.എം കാർഡു​കൾ, ബാങ്ക് പാസ്ബു​ക്കു​കൾ എന്നിവയും കണ്ടെ​ത്തി.ചീഫ് ജുഡി​ഷ്യൽ മജി​സ്‌ട്രേട്ട് കോട​തി​യിൽ ഹാജ​രാക്കിയ പ്രതിയെ റിമാൻഡ് ചെയ്തു.