തിരുവനന്തപുരം: ഭൂമിത്ര,​ ജോയിന്റ് കൗൺസിൽ,​ സിൽവർ ഫൗണ്ടേഷൻ എന്നീ സംഘടനകളുടെ ആഭിമുഖ്യത്തിൽ 'പ്രളയ പശ്ചാത്തലത്തിൽ കേരളത്തിലെ ഭൂവിനിയോഗം' എന്ന വിഷയത്തിൽ ഇന്ന് ഉച്ചയ്ക്ക് 2.30ന് എം.എൻ.വി.ജി അടിയോടി ഹാളിൽ പ്രഭാഷണം സംഘടിപ്പിക്കും. ഭൂമിത്ര രക്ഷാധികാരി മുല്ലക്കര രത്നാകരൻ എം.എൽ.എ ഉദ്ഘാടനം ചെയ്യും. കേരള സർവകലാശാല ജിയോളജി വകുപ്പ് മുൻ മേധാവി ഡോ. കെ.പി ത്രിവിക്രംജി, ഭൗമശാസ്ത്രം പഠനകേന്ദ്രം ശാസ്ത്രജ്ഞൻ ഡോ. വി. നന്ദകുമാർ എന്നിവർ പ്രഭാഷണം നടത്തും. കേരള സർവകലാശാല മുൻ വൈസ് ചാൻസലർ ഡോ. പി. രാജേന്ദ്രൻ ചർച്ചയ്ക്ക് നേതൃത്വം നൽകും.