തിരുവനന്തപുരം: കെ.എസ്.ആർ.ടി.സിയിലെ പ്രശ്നങ്ങൾക്ക് ശാശ്വത പരിഹാരം ആവശ്യപ്പെട്ട് കെ.എസ്.ആർ.ടി.ഇ.എയുടെ നേതൃത്വത്തിൽ സെക്ര​ട്ടേറി​യറ്റ് പടി​ക്കൽ നടക്കുന്ന അനി​ശ്ചി​ത​കാ​ല​ രാ​പ്പ​കൽ സമരം ഒത്തു​തീർപ്പാ​ക്ക​ണ​മെന്ന് ആൾ ഇന്ത്യ റോഡ് ട്രാൻസ്‌പോർട്ട്‌ വർക്കേഴ്സ് ഫെഡ​റേ​ഷൻ ജന​റൽ സെക്ര​ട്ടറി കെ.​കെ. ദിവാ​ക​രൻ പ്രസ്താ​വ​ന​യിൽ ആവ​ശ്യ​പ്പെ​ട്ടു. കെ.എസ് ആർ.ടി.സി അതിന്റെചരി​ത്ര​ത്തിലെ ഏറ്റവും വലിയ സാമ്പ​ത്തിക പ്രതി​സ​ന്ധി​യിൽ അക​പ്പെ​ട്ടി​രി​ക്കു​ക​യാ​ണ്. കെ.​എ​സ്.​ആർ.ടി.സിയുടെ പുനഃക്ര​മീ​ക​ര​ണം​ വികല​മായും ഏക​പ​ക്ഷീ​യ​മായും നട​പ്പാ​ക്കാൻ ശ്രമിച്ചതാണ് പ്രതിസന്ധി രൂക്ഷ​മാ​ക്കി​യ​ത്. മു​ഖ്യമന്ത്രി പ്രശ്നത്തിൽ അടി​യ​ന്ത​ര​മായി ഇട​പെട്ട് ആവ​ശ്യമായ നട​പടി സ്വീ​ക​രിക്കണമെന്നും അദ്ദേഹം പറ​ഞ്ഞു.