തിരുവനന്തപുരം: കഴക്കൂട്ടം- കാരോട് ബൈ​പ്പാ​സിൽ തു​ടർ​ച്ച​യാ​യി അ​പ​ക​ട​മു​ണ്ടാ​കു​ന്ന സാ​ഹ​ച​ര്യം അ​വ​സാ​നി​പ്പി​ക്കാൻ സു​ര​ക്ഷാ മാർ​ഗ​ങ്ങൾ സ്വീ​ക​രി​ക്ക​ണ​മെ​ന്ന് മ​ന്ത്രി കടകംപള്ളി സുരേന്ദ്രൻ ദേ​ശീ​യ​പാ​താ അതോ​റി​ട്ടി ഉ​ദ്യോ​ഗ​സ്ഥരോട് നിർദ്ദേശിച്ചു. ബൈപ്പാസിൽ റോഡപകടങ്ങൾ വർദ്ധിക്കുന്നതിനെക്കുറിച്ചുള്ള വാർത്തകളും പരാതിയും ലഭിച്ചതിനെ തുടർന്നാണ് സന്ദർശനം.

ലോർ​ഡ്സ് ഹോ​സ്പി​റ്റൽ ജം​ഗ്ഷ​നിൽ അ​പ​ക​ട​ങ്ങൾ തു​ടർ​ച്ച​യാകുന്നതിൽ സ​മീ​പ​വാ​സി​കൾ മ​ന്ത്രി​ക്ക് പരാതി നൽ​കി​യി​രു​ന്നു. ഈ ജം​ഗ്ഷ​നി​ലും അ​പ​ക​ട സാ​ഹ​ച​ര്യം കൂ​ടു​ത​ലു​ള്ള ബൈ​പ്പാ​സി​ലെ മ​റ്റ് ജം​ഗ്ഷ​നു​ക​ളി​ലും ട്രാ​ഫി​ക് സി​ഗ്നൽ സി​സ്റ്റ​വും സ്പീ​ഡ് ബ്രേ​ക്ക​റു​ക​ളും സ്ഥാ​പി​ക്ക​ണ​മെ​ന്ന് മ​ന്ത്രി ആ​വ​ശ്യ​പ്പെ​ട്ടു. ബൈ​പ്പാ​സി​ലേ​ക്ക് സ​മീ​പ റോ​ഡു​ക​ളിൽ നി​ന്ന് വാ​ഹ​ന​ങ്ങൾ അ​മി​ത​വേ​ഗ​ത്തി​ലും അ​ശ്ര​ദ്ധ​മാ​യും ക​ട​ന്നു​വ​രു​ന്ന​ത് നി​യ​ന്ത്രി​ക്ക​ണം. ബൈ​പ്പാ​സ് നിർ​മ്മാ​ണ​ത്തി​നെ കു​റി​ച്ചു​ള്ള ആ​ക്ഷേ​പ​ങ്ങൾ ഗൗ​ര​വ​മു​ള്ള​താ​ണെ​ന്നും, ഉ​ന്ന​ത നി​ല​വാ​ര​ത്തോ​ടെ എ​ത്ര​യും വേ​ഗ​ത്തിൽ നിർ​മ്മാ​ണം പൂർ​ത്തീ​ക​രി​ക്കേ​ണ്ട​തു​ണ്ടെ​ന്നും മ​ന്ത്രി പറഞ്ഞു.

റോ​ഡ​രി​കി​ലെ ഓ​ട​കൾ പു​നർ​നിർ​മ്മി​ക്ക​ണം. മുമ്പ് നി​ല​വി​ലു​ണ്ടാ​യി​രു​ന്ന ഓ​ട​കൾ റോഡ് വി​ക​സ​ന​ത്തി​നാ​യി മ​ണ്ണി​ട്ട് നി​ക​ത്തി​യി​രു​ന്നു. ഇ​തു​മൂ​ലം സ​മീ​പ​ത്തെ വീ​ടു​ക​ളിൽ വെ​ള്ളം ക​യ​റു​ക​യും റോ​ഡു​ക​ളിൽ വെ​ള്ള​ക്കെ​ട്ട് ഉ​ണ്ടാ​കു​ക​യും ചെ​യ്യു​ന്ന സ്ഥി​തിയാണ്. ഇ​തി​ന് അ​ടി​യ​ന്തര പ​രി​ഹാ​രം കാ​ണ​ണ​മെ​ന്ന് മ​ന്ത്രി ദേ​ശീ​യ​പാ​താ അ​തോ​റി​റ്റി ഉ​ദ്യോ​ഗ​സ്ഥ​രോ​ട് നിർ​ദ്ദേ​ശി​ച്ചു. പ്ലാൻ ത​യ്യാ​റാ​ക്കി എ​ത്ര​യും വേ​ഗം ഓ​ട നിർ​മ്മാ​ണം ന​ട​ത്താ​മെ​ന്ന് ഉ​ദ്യോ​ഗ​സ്ഥർ മ​ന്ത്രി​ക്ക് ഉ​റ​പ്പ് നൽ​കി. ന​ഗ​ര​സ​ഭാ കൗൺ​സി​ലർ ശോ​ഭാ​റാ​ണി, എൻ.എ​ച്ച്.എ.ഐ ഉ​ന്ന​ത ഉ​ദ്യോ​ഗ​സ്ഥർ, പി.ഡ​ബ്ല്യു.ഡി ഉ​ദ്യോ​ഗ​സ്ഥർ എ​ന്നി​വർ മ​ന്ത്രി​ക്കൊ​പ്പ​മു​ണ്ടാ​യി​രു​ന്നു.