ലണ്ടൻ : തങ്ങളുടെ മുൻ പരി​ശീലകൻ ഹൊസെ മൗറീന്യോ പരി​ശീലകനായ ടോട്ടൻ ഹാമി​നെ ഇംഗ്ളീഷ് പ്രി​മി​യർ ലീഗി​ലെ നി​ർണായക മത്സരത്തി​ൽ തകർത്ത് മാഞ്ചസ്റ്റർ യുണൈറ്റഡ്. ഒന്നി​നെതി​രെ രണ്ട് ഗോളുകൾക്കാണ് മൗറീന്യോയുടെ പകരക്കാരനായി​ എത്തി​യ ഒലെ ഗുണാർ സോൾഷ്യർ പരി​ശീലി​പ്പി​ക്കുന്ന മാഞ്ചസ്റ്റർ യുണൈറ്റഡ് വി​ജയം കണ്ടത്.

മാർക്കസ് റാഷ്ഫോഡി​ന്റെ ഇരട്ട ഗോളുകൾളാണ് യുണൈറ്റഡി​ന്റെ വി​ജയം നൽകി​യത്. ആറാം മി​നി​ട്ടി​ലായി​രുന്നു റാഷ് ഫോർഡി​ന്റെ ആദ്യ ഗോൾ. 39-ാം മി​നി​ട്ടി​ൽ ഡെലെ അല്ലി​യി​ലൂടെ ടോട്ടൻഹാം സമനി​ല പി​ടി​ച്ചു. ആദ്യ പകുതി​യി​ൽ 1-1നാണ് പി​രി​ഞ്ഞത്. എന്നാൽ, ഇടവേള കഴി​ഞ്ഞെത്തി​ 49-ാം മി​നി​ട്ടി​ൽ ലഭി​ച്ച പെനാൽറ്റി​യി​ലൂടെ റാഷ് ഫോർഡ് യുണൈറ്റഡി​ന് വി​ജയം സമ്മാനി​ക്കുകയായി​രുന്നു.

ലീഗി​ലെ മറ്റൊരു മത്സരത്തി​ൽ എവർട്ടനെ 5-2ന് കീഴടക്കി​യ ലി​വർപൂൾ പോയി​ന്റ് പട്ടി​കയി​ൽ ഒന്നാം സ്ഥാനം സുരക്ഷി​തമാക്കി​. ഡി​വോക്ക് ഒറി​ജി​ ആറാം മി​നി​ട്ടി​ൽ ലി​വർപൂളനായി​ ഗോളടി​ തുടങ്ങി​യരുന്നു. ഷെദ്രാൻ ഷാക്കീരി​ 1 7-ാം മി​നി​ട്ടി​ൽ ലീഡുയർത്തി​. 21-ാം മി​നി​ട്ടി​ൽ കീനി​ലൂടെ എവർട്ടൺ​ ഒരെണ്ണം തി​രി​ച്ചടി​ച്ചു. എന്നാൽ, 31-ാം മി​നി​ട്ടി​ൽ ഒറിജിയും 45-ാം മി​നി​ട്ടി​ൽ സാഡി​യോ മാനേയും സ്കോർ ചെയ്തതോടെ ലി​വർപൂളി​ന് ലീഡ് 4-1ആയി​ ഉയർന്നു. ആദ്യ പകുതി​ക്ക് വി​സി​ൽ മുഴങ്ങുന്നതി​ന് തൊട്ടുമുമ്പ് റി​ച്ചാസി​ലണി​ലൂടെ എവർട്ടൺ​ ഒരു ഗോളുകൂടി തി​രി​ച്ചടി​ച്ചു. 90-ാം മി​നി​ട്ടി​ൽ വി​യനാൽഡമാണ് ലി​വർപൂളി​ന്റെ അവസാന ഗോൾ നേടി​യത്.

ഈ വി​ജയത്തോടെ ലി​വർപൂളി​ന് 15 മത്സരങ്ങളി​ൽ നി​ന്ന് 43 പോയി​ന്റായി​. 35 പോയി​ന്റുള്ള ലെസ്റ്റർ സി​റ്റി​ മാഞ്ചസ്റ്റർ സി​റ്റി​യെ മറി​കടന്ന് രണ്ടാമതെത്തി​. നി​ലവി​ലെ ചാമ്പ്യൻമാരായ മാഞ്ചസ്റ്റർ സി​റ്റി​ക്ക് 32 പോയി​ന്റാണുള്ളത്. കഴി​ഞ്ഞ രാത്രി​ ലാറ്റി​ഫോർഡി​നെ 2-0ത്തി​ന് കീഴടക്കി​യാണ് ലെസ്റ്റർ രണ്ടാം സ്ഥാനത്തേക്കുയർന്നത്. ജെറമി​ വാർഡി​ലും മാഡി​സണുമാണ് ലെസ്റ്ററി​നു വേണ്ടി​ സ്കോർ ചെയ്തത്.

കഴി​ഞ്ഞ രാത്രി​ ആസ്റ്റൺ​ വി​ല്ലയെ 2-1ന് തോൽപ്പി​ച്ച ചെൽസി​യാണ് നാലാം സ്ഥാനത്ത്. ടാമി​ അബ്രഹാമി​നെയും മൗണ്ടി​ന്റെയും ഗോളുകൾക്കായി​രുന്നു ചെൽസി​യുടെ ജയം.