നെയ്യാറ്റിൻകര :നെയ്യാറ്റിൻകര രൂപതയുടെ ഭദ്രാസന ദേവാലയമായ അമലോത്ഭവമാതാ കത്തീഡ്രൽ ദേവാലയ തിരുനാൾ 8ന് സമാപിക്കും.ഇന്ന് രാവിലെ 6.30ന് മുതൽ ബൈബിൾ പാരായണം,ജപമാല,ലിറ്റിനി ,നൊവേന എന്നിവ നടക്കും.7.30ന് നടക്കുന്ന സമൂഹ ദിവ്യബലി അത്താഴമംഗലം ഇടവക വികാരി ഫാ.റോഷൻ മൈക്കിളിന്റെ മുഖ്യ കാർമ്മികത്വത്തിൽ നടക്കും. വൈകിട്ട് 5.30ന് ഫാ.അനീഷ് ആൽബർട്ട് കാർമ്മികത്വം വഹിക്കുന്ന സന്ധ്യാവന്ദനം.തുടർന്ന് ആഘോഷമായ തിരുസ്വരൂപ പ്രദക്ഷിണം.പ്രദക്ഷിണം ആലുംമ്മൂട് വ്‌ളാങ്ങാമുറി കല്ലുവിള പനവിള വഴി ദേവാലയത്തിൽ സമാപിക്കും.നാളെ രാവിലെ 9.30ന് നെയ്യാറ്റിൻകര ബിഷപ് ഡോ.വിൻസെന്റ് സാമുവൽ മുഖ്യ കാർമ്മികത്വം വഹിക്കുന്ന പൊന്തിഫിക്കൽ ദിവ്യബലി. തുടർന്ന് സ്‌നേഹവിരുന്ന്.