തിരുവനന്തപുരം: ഇന്ത്യയും വെസ്റ്റ് ഇൻഡീസും തമ്മിൽ കാര്യവട്ടത്ത് ഇന്ന് നടക്കുന്ന രണ്ടാമത്തെ ട്വന്റി 20 ക്രിക്കറ്റ് മത്സരത്തെ തുടർന്ന് കഴക്കൂട്ടം ഭാഗത്ത് ഉച്ചയ്ക്ക് 2 മുതൽ രാത്രി 11 വരെ പൊലീസ് ഗതാഗത നിയന്ത്രണം ഏർപ്പെടുത്തി. കഴക്കൂട്ടം മുതൽ ശ്രീകാര്യം വരെയുള്ള റോഡിന് സമാന്തരമായോ ഗതാഗത തടസം ഉണ്ടാക്കുന്ന തരത്തിലോ വാഹനങ്ങൾ പാർക്ക് ചെയ്യാൻ അനുവദിക്കുകയില്ല.മത്സരം കാണാനെത്തുന്നവരുടെ വാഹനങ്ങൾ മാത്രമേ കഴക്കൂട്ടം,​ ചാവടിമുക്ക് എന്നിവിടങ്ങളിൽ നിന്ന് കാര്യവട്ടത്തേക്ക് കടത്തിവിടുകയുള്ളൂ,​

വാഹനങ്ങൾ വഴിതിരിച്ചുവിടുന്നത് ഇങ്ങനെ

ആറ്റിങ്ങലിൽ നിന്ന് ശ്രീകാര്യത്തേക്ക് വരുന്ന കെ.എസ്.ആർ.ടി.സി ബസുകൾ അടക്കമുള്ള വാഹനങ്ങൾ വെട്ടുറോഡ് നിന്ന് തിരിഞ്ഞ് ചന്തവിള-കാട്ടായിക്കോണം-ചേങ്കോട്ടുകോണം - ചെമ്പഴന്തി -ശ്രീകാര്യം വഴി പോകണം

 ആറ്റിങ്ങലിൽ നിന്ന് ശ്രീകാര്യത്തേക്ക് വരുന്ന ലൈറ്റ് വാഹനങ്ങൾ കഴക്കൂട്ടം ബൈപ്പാസിലൂടെ വന്ന് മുക്കോലയ്ക്കൽ - കുളത്തൂർ -മൺവിള - ചാവടിമുക്ക് വഴി പോകണം

കഴക്കൂട്ടത്തേക്ക് പോകേണ്ട ലൈറ്റ് വാഹനങ്ങൾ ചാവടിമുക്കിൽ നിന്ന് തിരിഞ്ഞ് എൻജി.കോളേജ്,​ - മൺവിള- കുളത്തൂർ- മുക്കോലയ്ക്കൽ വഴി പോകണം

നഗരത്തിൽ നിന്ന് ആറ്റിങ്ങൽ ഭാഗത്തേക്ക് പോകേണ്ട വാഹനങ്ങൾ ഉള്ളൂർ നിന്ന് തിരിഞ്ഞ് ആക്കുളം വഴി കുഴിവിള ബൈപ്പാസിലെത്തി പോകണം

പാർക്കിംഗ് സ്ഥലങ്ങൾ
കഴക്കൂട്ടത്ത് നിന്ന് വരുന്ന വാഹനങ്ങൾ കാര്യവട്ടം യൂണിവേഴ്സിറ്റി കാമ്പസ് (എല്ലാ വാഹനങ്ങളും)​,​ കാര്യവട്ടം -തൃപ്പാദപുരം റോഡിന്റെ ഒരുവശം (ബസുകൾ)​,​ അമ്പലത്തിൻകര മുസ്ളിം ജമാഅത്ത് ഗ്രൗണ്ട് (ഇരുചക്രവാഹനങ്ങൾ)​,​ കഴക്കൂട്ടം ബൈപ്പാസ് പാർക്കിംഗ് ഗ്രൗണ്ട് (ടെക്നോപാർക്കിന് എതിർവശം)​ ൽ പാർക്ക് ചെയ്യണം. ശ്രീകാര്യത്ത് നിന്ന് വരുന്ന വാഹനങ്ങൾ ഗവ.കോളേജ് കാര്യവട്ടം,​ ബി.എഡ് സെന്റർ കാര്യവട്ടം,​ എൽ.എൻ.സി.പി.ഇ എന്നിവിടങ്ങളിൽ പാർക്ക് ചെയ്യണം. വിവരങ്ങൾക്ക് ഫോൺ: 0471 2558731,​ 32