ചേരപ്പള്ളി: പുതുതലമുറയ്ക്ക് ജന്തുക്ഷേമ പ്രവർത്തനങ്ങൾ പരിചയപ്പെടുന്നതിന്റെ ഭാഗമായി മൃഗസംരക്ഷണ വകുപ്പ് പ്രാദേശിക മൃഗസംരക്ഷണ കേന്ദ്രം നെടുമങ്ങാടിന്റെ ആഭിമുഖ്യത്തിൽ സ്കൂൾ കുട്ടികൾക്കായി ജന്തുക്ഷേമ പ്രവർത്തനങ്ങൾക്കുള്ള ബോധവത്കരണ സെമിനാർ 9ന് 2ന് മീനാങ്കൽ ഗവ. ട്രൈബൽ ഹൈസ്കൂളിൽ നടക്കും. ആര്യനാട് പഞ്ചായത്ത് പ്രസിഡന്റ് എസ്. ഷാമിലാബീഗത്തിന്റെ അദ്ധ്യക്ഷതയിൽ കെ.എസ്. ശബരിനാഥൻ എം.എൽ.എ ഉദ്ഘാടനം ചെയ്യും. ജില്ലാ മൃഗസംരക്ഷണ ഒാഫീസർ ഡോ. ബി. അരവിന്ദ് മുഖ്യപ്രഭാഷണം നടത്തും. ജില്ലാപഞ്ചായത്ത് മെമ്പർ വി. വിജുമോഹൻ, ബ്ളോക്ക് മെമ്പർ എസ്. വിജയകുമാരി, കെ. അജിത, എസ്. ഗിരിജ, വിജിത, ബി. പ്രദീപ് കുമാർ, വി. ബിനുകുമാർ, ബി. സജുകുമാർ, ബി. മനോഹരൻ, എം. സുമ, ഡോ. സോഫിയ, ഡോ.എസ്. ശിവദുർഗ എന്നിവർ പങ്കെടുക്കും. ജഴ്സിഫാം വെറ്ററിനറി സർജൻ ഡോ. കിരൺ എസ്.എസ്. ജന്തുക്ഷേമം പ്രവർത്തനവും നിയമങ്ങളും എന്ന വിഷയത്തിൽ ക്ളാസെടുക്കും.