കിളിമാനൂർ: ഇ.കെ.നായനാർ ചാരിറ്റബിൾ ട്രസ്റ്റിന്റെ സാന്ത്വനപ്രവർത്തനങ്ങളുടെ ഭാ​ഗമായി മടവൂർ റീജിയണൽ കമ്മറ്റിയുടെ ​ഗൃഹസന്ദർശനത്തിന് തുടക്കമായി.മടവൂർ പഞ്ചായത്ത് പരിധിയിലെ കിടപ്പുരോ​ഗികളെ സന്ദർശിച്ചു.കെ.എം ജയദേവൻമാസ്റ്റർ സ്മാരക പാലിയേറ്റീവ് കെയർ സൊസൈറ്റി പ്രസിഡന്റ് അഡ്വ.മടവൂർ അനിൽ ​ഗൃഹസന്ദർശനം ഉദ്ഘാടനം ചെയ്തു.പഞ്ചായത്തിലെ 16 കിടപ്പുരോ​ഗികളെ സന്ദർശിച്ചു.ഇവർക്ക് ആവശ്യമായ ഭക്ഷ്യവസ്തുക്കൾ അവശ്യവസ്തുക്കൾ വിതരണം ചെയ്തു.വരും ഘട്ടങ്ങളിൽ ഇവർക്ക് സാന്ത്വനമെത്തിക്കുന്ന പ്രവർത്തനങ്ങൾക്ക് കമ്മറ്റി നേതൃത്വം നൽകും.ബ്ലോക്ക് പഞ്ചായത്ത് പ്രസിഡന്റ് ശ്രീജാഷൈജുദേവ്,ട്രസ്റ്റ് റീജിയണൽ കമ്മറ്റി ചെയർമാൻ ഷൈജുദേവ്, കൺവീനർ ജി.എസ്.അനിൽകുമാർ തുടങ്ങിയവർ പങ്കെടുത്തു.