കല്ലമ്പലം: ഇ.കെ. നായനാർ ചാരിറ്റബിൾ ട്രസ്റ്റിന്റെ സാന്ത്വനപ്രവർത്തനങ്ങളുടെ ഭാഗമായി മടവൂർ റീജ്യണൽ കമ്മിറ്റിയുടെ ഗൃഹ സന്ദർശനത്തിന് തുടക്കമായി. മടവൂർ പഞ്ചായത്ത് പരിധിയിലെ കിടപ്പുരോഗികളെ സന്ദർശിച്ചു. കെ.എം. ജയദേവൻമാസ്റ്റർ സ്മാരക പാലിയേറ്റീവ് കെയർ സൊസൈറ്റി പ്രസിഡന്റ് അഡ്വ. മടവൂർ അനിൽ ഉദ്ഘാടനം ചെയ്തു. പഞ്ചായത്തിലെ 16 കിടപ്പുരോഗികളെയാണ് സന്ദർശിച്ചത്. അവർക്ക് ആവശ്യമായ ഭക്ഷ്യവസ്തുക്കളും അവശ്യവസ്തുക്കളും വിതരണം ചെയ്തു. തുടർന്നും ഇവർക്ക് സാന്ത്വനമെത്തിക്കും. ചടങ്ങിൽ ബ്ലോക്ക്‌ പഞ്ചായത്ത് പ്രസിഡന്റ് ശ്രീജാ ഷൈജുദേവ്, ട്രസ്റ്റ് റീജ്യണൽ കമ്മിറ്റി ചെയർമാൻ ഷൈജുദേവ്, കൺവീനർ ജി.എസ്. അനിൽകുമാർ തുടങ്ങിയവർ പങ്കെടുത്തു.