കിളിമാനൂർ :ഒറ്റൂർ പ്രാഥമികാരോഗ്യ കേന്ദ്രം ആർദ്രം പദ്ധതിയിൽ ഉൾപ്പെടുത്തിയ സർക്കാർ ഉത്തരവ് അഡ്വ.ബി.സത്യൻ എം.എൽ.എ മെഡിക്കൽ ഓഫീസർ ഡോ.ഷീജയ്ക്ക് കൈമാറി. കഴിഞ്ഞ ദിവസം ഒറ്റൂർ പ്രാഥമിക ആരോഗ്യ കേന്ദ്രത്തിൽ വികസന സമിതി സംഘടിപ്പിച്ച ചടങ്ങിൽ വെച്ചാണ് ഉത്തരവ് കൈമാറിയത്. പഞ്ചായത്ത് വൈസ് പ്രസിഡന്റ് രഹ്ന നസീർ അദ്ധ്യക്ഷയായി. മെഡിക്കൽ ഓഫീസർ സ്വാഗതം പറഞ്ഞു. ബ്ലോക്ക് പഞ്ചായത്ത് സ്റ്റാൻഡിംഗ് കമ്മിറ്റി ചെയർമാൻ.സി.എസ്, രാജീവ് ,പഞ്ചായത്ത് സ്റ്റാൻഡിംഗ് കമ്മിറ്റി അംഗങ്ങളായ പ്രമീളാ ചന്ദ്രൻ, രതീഷ്, പഞ്ചായത്ത് അംഗങ്ങളായ അജി, സുനിത, അജിതാ രാജമണി, ആശുപത്രി വികസന സമിതി അംഗങ്ങൾ, ആശാ വർക്കർമാർ, റസിഡന്റ്സ് അസോസിയേഷൻ ഭാരവാഹികൾ, പൊതുപ്രവർത്തകർ എന്നിവർ പങ്കെടുത്തു. ആർദ്രം പദ്ധതിയിലേയ്ക്ക് ഒറ്റൂർ ഉൾപ്പെടുത്തിയതിന് നാട്ടുകാരുടെ വകയായി എം.എൽ.എയ്ക്ക് പൗരസ്വീകരണവും നൽകി. മാതൃകാ ആരോഗ്യ കേന്ദ്രമാക്കി മാറ്റാൻ ജനപങ്കാളിത്തത്തോടെ വേണ്ട നടപടി സ്വീകരിക്കുമെന്ന് എം.എൽ.എ പറഞ്ഞു.