വെഞ്ഞാറമൂട്: ഭൗതിക സാഹചര്യങ്ങൾ ഉയർത്തി പരപ്പാറമുകൾ എസ്.കെ.വി എൽ.പി സ്കൂൾ ഇനി ഹൈടെക് നിലവാരത്തിലേക്ക്. പൊതു വിദ്യാഭ്യാസ സംരക്ഷണത്തിന്റെ ഭാഗമായി സ്കൂളിൽ പണിതീർത്ത സമ്പൂർണ ക്ലാസ്സ് ലൈബ്രറി, ഹൈടെക് ക്ലാസ് മുറികൾ, ശിശു സൗഹൃദ ടൊയ്ലൈ‌റ്റ് എന്നിവയുടെ ഉദ്ഘാടനം ഇന്ന് ഉച്ചയ്ക്ക് 1 ന് സ്കൂൾ ഓഡിറ്റോറിയത്തിൽ നടക്കും.സമ്പൂർണ ക്ലാസ് ലൈബ്രറികളുടെ ഉദ്ഘാടനം ഡി.കെ. മുരളി എം.എൽ.എയും, ഹൈടെക് ഉപകരണങ്ങളുടെ ഉദ്ഘാടനം വാമനപുരം ഗ്രാമ പഞ്ചായത്ത് വൈസ് പ്രസിഡന്റ് ശ്രീജയും, ശിശു സൗഹൃദ ടൊയിലൈ‌റ്റുകളുടെ ഉദ്ഘാടനം പഞ്ചായത്ത് അംഗം ബി. ജയകുമാറും നിർവഹിക്കും. ചടങ്ങിൽ ഉപജില്ലാ ഗണിത ശാസ്ത്ര പ്രവർത്തി പരിചയമേളയിലും കലോത്സവത്തിലും വിജയികളായ വിദ്യാർത്ഥികളെ അനുമോദിക്കും. സ്കൂൾ മാനേജർ പി. സുഭാഷ് ചന്ദ്രൻ, എസ്.എം.സി കൺവീനർ രഘുനാഥ ജോത്സ്യർ, വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ ലെനിൻ, ഗ്രാമപഞ്ചായത്ത് അംഗം രാജീവ് പി.നായർ, നെല്ലനാട് ഗ്രാമപഞ്ചായത്ത് വൈസ് പ്രസിഡന്റ് ബിന്ദു അരുൺ കുമാർ, പാലോട് ഉപജില്ലാ വിദ്യാഭ്യാസ ഓഫീസർ ജെ. സിന്ധു, പാലോട് ബി.പി.ഒ ബിച്ചു കെ.എൽ, പി.ടി.എ പ്രസിഡന്റ് അനിൽകുമാർ, കവി കുടിയേല ശ്രീകുമാർ, ആർ. രാജേഷ് കുമാർ, ഹെഡ്മാസ്റ്റർ ആർ. അജിത്കുമാർ, സി.കെ. സന്തോഷ് കുമാർ, ആർച്ച പ്രസാദ് എന്നിവർ പങ്കെടുക്കും.