തിരുവനന്തപുരം: കേന്ദ്ര - സംസ്ഥാന സർക്കാരുകളുടെ ജനവിരുദ്ധ നയങ്ങൾക്കെതിരെ നാളെ തിരുവനന്തപുരത്ത് സെക്രട്ടേറിയറ്റിന് മുന്നിലും മറ്റ് ജില്ലകളിൽ കളക്ടറേറ്റുകളിലും പ്രതിഷേധ ധർണ നടത്തുമെന്ന് യു.ഡി.എഫ് കൺവീനർ ബെന്നി ബെഹനാൻ അറിയിച്ചു. തിരുവനന്തപുരത്ത് പ്രതിപക്ഷനേതാവ് രമേശ് ചെന്നിത്തലയും, കൊല്ലത്ത് എ.എ. അസീസും ആലപ്പുഴയിൽ ജോസ് കെ. മാണിയും, പത്തനംതിട്ടയിൽ ജോൺ ജോണും കോട്ടയത്ത് ഉമ്മൻ ചാണ്ടിയും, ഇടുക്കിയിൽ പി.ജെ. ജോസഫും, എറണാകുളത്ത് വി.എം. സുധീരനും, തൃശൂരിൽ ബെന്നി ബെഹനാനും, പാലക്കാട്ട് കെ.പി.എ. മജീദും, മലപ്പുറത്ത് പി.കെ. കുഞ്ഞാലിക്കുട്ടിയും, കോഴിക്കോട്ട് മുല്ലപ്പള്ളി രാമചന്ദ്രനും, വയനാട്ടിൽ ജി. ദേവരാജനും, കണ്ണൂരിൽ എം.കെ. മുനീറും, കാസർകോട്ട് ജോണി നെല്ലൂരും ഉദ്ഘാടനം ചെയ്യും.