തിരുവനന്തപുരം: ചെമ്പഴന്തി ചെങ്കോട്ടുകോണം ശ്രീ വിശ്വസംസ്കാര വേദിയുടെ നേതൃത്വത്തിലുള്ള വിശ്വവേദി ആർട്ട് അക്കാഡമിയുടെയും ഗ്രന്ഥശാലയുടെയും ഉദ്ഘാടനം നാളെ വൈകിട്ട് 3.45ന് മന്ത്രി കടകംപള്ളി സുരേന്ദ്രൻ നിർവഹിക്കും. വേദി പ്രസിഡന്റ് ഷാജി പ്രഭാകരൻ അദ്ധ്യക്ഷത വഹിക്കും. പ്രൊഫ. അയിലം ഉണ്ണികൃഷ്ണൻ പ്രവർത്തന റിപ്പോർട്ട് അവതരിപ്പിക്കും. ചെമ്പഴന്തി ഗുരുകുലം മഠാധിപതി സ്വാമി ശുഭാംഗാനന്ദ,​ പുതുകുന്ന് സി.എസ്.ഐ ചർച്ച് ഡിസ്ട്രിക്ട് പ്രസിഡന്റ് ഫാ. വൈ. നടരാജൻ എന്നിവർ അനുഗ്രഹപ്രഭാഷണം നടത്തും. ലളിതകലാ അക്കാ‌ഡമി ചെയർമാൻ നേമം പുഷ്പരാജ്,​ കലാമണ്ഡലം വിമലാമേനോൻ,​ ഡോ. ചേപ്പാട് എ.ഇ. കൃഷ്ണൻ നമ്പൂതിരി,​ കെ. ചന്ദ്രിക എന്നിവർ മുഖ്യാതിഥികളാകും. കൗൺസിലർമാരായ എ. പ്രദീപ്കുമാർ,​ കെ.എസ്. ഷീല,​ സിന്ധു ശശി,​ താലൂക്ക് ലൈബ്രറി കൗൺസിൽ സെക്രട്ടറി ജി. ശ്രീകണ്ഠൻ,​ അണിയൂർ എ. പ്രസന്നകുമാർ തുടങ്ങിയവർ സംസാരിക്കും. ചെങ്കോട്ടുകോണം സുരേന്ദ്രൻ സ്വാഗതവും രവി മടവൂർ നന്ദിയും പറയും.