പ​ത്ത​നാ​പു​രം: പത്തനാപുരത്തുനിന്ന് കാണാതായ ബിരുദ വിദ്യാർത്ഥിയും ഒപ്പമുള്ള എം.ബി.ബി.എസ് വിദ്യാർത്ഥിയും ഐസിസിൽ ചേരാൻ നാടുവിട്ടതായി സംശയം. പുനലൂർ പൊലീസ് അന്വേഷണം ആരംഭിച്ചു. പ​ത്ത​നാ​പു​രം പി​റ​വ​ന്തൂർ ചീ​വോ​ട് പുൽ​ചാ​ണി​മു​ക്ക് മു​ബാ​റ​ക്ക് മൻ​സി​ലിൽ ന​സീ​റി​ന്റെ മ​കൻ നൗ​ഫൽ ന​സീ​റിനെയാണ് (19) കാ​ണാ​താ​യ​തായി കാട്ടി മാ​താ​പി​താ​ക്കൾ പൊ​ലീ​സിൽ പ​രാ​തി നൽ​കി​യത്.

ക​ഴി​ഞ്ഞ 26 മു​ത​ലാ​ണ് നൗ​ഫ​ലി​നെ കാ​ണാ​താ​കു​ന്ന​ത്. കൊ​ല്ലം ഫാ​ത്തി​മ മാ​താ കോ​ളേ​ജി​ലെ ബി​കോം ര​ണ്ടാം വർ​ഷ വി​ദ്യാർ​ത്ഥി​യായിരുന്നു. അ​ന്വേ​ഷ​ണം ആ​രം​ഭി​ച്ച് ര​ണ്ടാ​ഴ്ച പി​ന്നി​ട്ടി​ട്ടും പൊ​ലീ​സി​ന് ശ​രി​യാ​യ വി​വ​ര​ങ്ങൾ ല​ഭി​ച്ചി​രുന്നില്ല. നൗഫലിന്റെ അയൽവാസികളിൽ ചിലരെ ചോദ്യം ചെയ്തതോടെയാണ് നാടുവിട്ടതിന് പിന്നിലുള്ള ആദ്യ സൂചനകൾ ലഭിച്ചത്. എന്നാൽ പൊലീസ് ഇത് ആദ്യം കാര്യമായെടുത്തിരുന്നില്ല.

തുടർന്ന് നൗഫലിന്റെ മാതാവ് ഷാജിതയും ഇയാളെക്കുറിച്ച് പൊലീസിന് വിവരങ്ങൾ നൽകിയതോടെയാണ് പൊലീസ് ഈ വഴിക്ക് അന്വേഷണം ആരംഭിച്ചത്. അ​ന്വേ​ഷ​ണം സം​സ്ഥാ​ന​ത്തി​ന് പു​റ​ത്തേ​ക്ക് വ്യാ​പി​പ്പി​ച്ചതായും ഡിവൈ.എസ്.പി കേരളകൗമുദി ഫ്ളാഷിനോട് പറഞ്ഞു. വാട്സ് ആപ്പ് ഗ്രൂപ്പ് വ​ഴി​യാ​ണ് വി​ദേ​ശ​ത്ത് പഠി​ച്ചുകൊ​ണ്ടി​രു​ന്ന യു​വാ​വു​മാ​യി നൗ​ഫൽ സൗ​ഹൃ​ദ​ത്തി​ലാ​കു​ന്ന​തെന്നും ഷാ​ജി​ത പ​റ​യു​ന്നു.

ഇ​രി​ങ്ങാ​ല​ക്കു​ട സ്വ​ദേ​ശി​യാ​യ മെ​ഡി​ക്കൽ വി​ദ്യാർ​ത്ഥി​യാണ് നൗ​ഫ​ലി​നൊ​പ്പം ഉള്ളതെന്നാണ് പൊ​ലീ​സിന് ലഭിച്ചിരിക്കുന്ന പ്രാ​ഥ​മി​ക സൂചന. ഇയാളെ കേന്ദ്രീകരിച്ചാണ് അന്വേഷണം പുരോഗമിക്കുന്നത്. ഇ​റ്റ​ലി​യിൽ എം.ബി.ബി.എ​സി​ന് പഠി​ക്കു​ന്ന യു​വാ​വ് അ​ടു​ത്തി​ട​യ്​ക്കാ​ണ് നാ​ട്ടി​ലെ​ത്തിയത്. മെ​ഡി​ക്കൽ പഠ​നം പൂർ​ത്തി​യാ​ക്കാ​തെ നാ​ട്ടി​ലെ​ത്തി​യ ഇ​യാൾ എൻ​ട്രൻ​സ് പ​രി​ശീ​ല​ന​ത്തി​ന് പോ​വു​ക​യാ​യി​രു​ന്നു.

വിദേശത്ത് എം.ബി.എ പഠനം ലഭ്യമാക്കാമെന്ന് ഇയാൾ നൗഫലിനെ വ്യാമോഹിപ്പിച്ചിരുന്നതായും മാതാവ് പറയുന്നു. 26ന് രാ​വി​ലെ കോ​ളേ​ജിൽ പോ​കു​ന്നു​വെ​ന്ന് പ​റ​ഞ്ഞാ​ണ് വീ​ട്ടിൽ നി​ന്ന് ഇ​റ​ങ്ങി​യ​ത്. എ​റെ വൈ​കി​യും തി​രി​കെയെ​ത്താ​ത്ത​തി​നെതു​ടർ​ന്ന് ബ​ന്ധു​ക്കൾ അ​ന്വേ​ഷ​ണം ആ​രം​ഭി​ച്ചു. 26ന് ഉ​ച്ച​യ്​ക്ക് എ​റ​ണാ​കു​ളത്തുനിന്ന് ഇ​രി​ങ്ങാ​ല​ക്കു​ട സ്വ​ദേ​ശി​യാ​യ യു​വാ​വി​നൊ​പ്പം നൗ​ഫൽ മം​ഗ​ള എ​ക്‌​സ്​പ്ര​സിൽ ക​യ​റി​യ​താ​യി റെ​യിൽ​വേ സ്റ്റേ​ഷ​നി​ലെ സി.സി ടി.വി കാ​മ​റ​ക​ളി​ലെ ദൃ​ശ്യ​ങ്ങ​ളിൽ നി​ന്ന് ക​ണ്ടെ​ത്തി​യി​ട്ടു​ണ്ട്.

വൈ​കി​ട്ട് 4.15ന് പ​ട്ടാ​മ്പി​യി​ലാ​ണ് അ​വ​സാ​നം നൗ​ഫ​ലി​ന്റെ ഫോൺ ലൊക്കേറ്റ് ചെ​യ്​തി​രി​ക്കു​ന്ന​ത്. വിദേശത്തേക്ക് കടന്നിട്ടുണ്ടെന്ന് സംശയിക്കുന്നുണ്ടെങ്കിലും നൗഫൽ പാസ് പോർട്ട് എടുത്തതായി വീട്ടുകാർക്ക് അറിവില്ല. പാഠ്യ പാഠ്യേതര വി​ഷ​യ​ങ്ങ​ളിൽ സ​മർ​ത്ഥ​നാ​യി​രു​ന്ന നൗ​ഫലിന്റെ തിരോധാനം ആർക്കും ഇതുവരെ വിശ്വസിക്കാനായിട്ടില്ല.