തിരുവനന്തപുരം: ഇരുപത്തിനാലാമത് കേരള രാജ്യാന്തര ചലച്ചിത്രമേളയുടെ അവസാനദിനത്തിൽ അഞ്ച് മലയാളചിത്രങ്ങൾ അടക്കം 28 ചിത്രങ്ങൾ പ്രദർശിപ്പിക്കും. ലിജോ ജോസ് പെല്ലിശേരിയുടെ 'ജല്ലിക്കെട്ട്', സീസർ ഡിയാസിന്റെ 'ഔർ മദേഴ്സ്',റാഹത് കസ്മിയുടെ 'ദി ക്വിൽറ്റ്' എന്നീ ചിത്രങ്ങൾ മത്സരവിഭാഗത്തിൽ ഇന്ന് പ്രദർശിപ്പിക്കും.

ഹൈനൂർ പൽമാസൺന്റെ 'എ വൈറ്റ് വൈറ്റ് ഡേ', പെമ സെഡന്റെ 'ബലൂൺ',ഫാറ്റി അകിൻന്റെ 'ദി ഗോൾഡൻ ഗ്ലോവ്' തുടങ്ങി 14 ചിത്രങ്ങൾ ലോകസിനിമാ വിഭാഗത്തിൽ പ്രദർശിപ്പിക്കും. ഷരീഫിന്റെ 'കാന്തൻ ദി ലവർ ഓഫ് കളർ', അനുരാജ് മനോഹറിന്റെ 'ഇഷ്‌ക്' ആഷിഖ് അബുവിന്റെ 'വൈറസ്' തുടങ്ങിയ മലയാളം ചിത്രങ്ങളുടെ പ്രദർശനവും ഇന്നുണ്ടാകും.
വൈകിട്ട് ആറിന് സമാപന ചടങ്ങിനു ശേഷം നിശാഗന്ധി ഓഡിറ്റോറിയത്തിൽ അന്താരാഷ്ട്ര മത്സരവിഭാഗത്തിൽ വിജയിക്കുന്ന ചിത്രത്തിന്റെ പ്രത്യേക പ്രദർശനവും നടക്കും.