തിരുവനന്തപുരം: സർവകലാശാലകളിൽ അദാലത്ത് നടത്താൻ ഉന്നതവിദ്യാഭ്യാസമന്ത്റി കെ.ടി ജലീലും ഓഫീസും നേരിട്ട് ഇടപെട്ടതിന്റെ രേഖകൾ പുറത്ത്.

മന്ത്റിയുടെ പ്രൈവ​റ്റ് സെക്രട്ടറി ഒപ്പിട്ട് നൽകിയ കുറിപ്പ് പ്രകാരമാണ് അദാലത്ത് തീരുമാനിച്ചതും ഇതിനായുള്ള മാർഗനിർദേശങ്ങൾ ഉന്നത വിദ്യാഭ്യാസ പ്രിൻസിപ്പൽ സെക്രട്ടറി പുറപ്പെടുവിച്ചതും. കഴിഞ്ഞ ഫെബ്രുവരി രണ്ടിന് പ്രൈവ​റ്റ് സെക്രട്ടറി നൽകിയ കുറിപ്പ് മാ​റ്റമില്ലാതെ പകർത്തിയാണ് നാലിന് ഉന്നത വിദ്യാഭ്യാസ പ്രിൻസിപ്പൽ സെക്രട്ടറി അദാലത്തിനുള്ള സമയക്രമവും മാർഗനിർദ്ദേശവും പുറപ്പെടുവിച്ചത്. മന്ത്റിയുടെ നിർദ്ദേശപ്രകാരമാണ് കുറിപ്പെന്ന് പ്രൈവ​റ്റ് സെക്രട്ടറി വ്യക്തമാക്കിയിട്ടുണ്ട്. മന്ത്റിയുടെ പരിഗണന അർഹിക്കുന്ന ഫയലുകൾ മന്ത്റിക്ക് കൈമാറണമെന്നും കുറിപ്പിൽ പറയുന്നു.

മന്ത്റിക്ക് ഉന്നതവിദ്യാഭ്യാസ പ്രിൻസിപ്പൽ സെക്രട്ടറിയോട് നിർദേശിക്കാമെന്നതല്ലാതെ സർവകലാശാലകളെ സംബന്ധിക്കുന്ന ഒരു വിഷയത്തിലും നേരിട്ട് ഉത്തരവോ കുറിപ്പോ ഇറക്കാൻ പാടില്ലെന്നാണ് നിയമം. പ്രൈവ​റ്റ് സെക്രട്ടറി നൽകിയ കുറിപ്പിലെ ഒമ്പത് നിർദേശങ്ങൾ ഒരു മാ​റ്റവും വരുത്താതെയാണ് പ്രിൻസിപ്പൽ സെക്രട്ടറി സർക്കുലറാക്കി കേരള, കാലിക്ക​റ്റ്, എം.ജി, കണ്ണൂർ, കുസാ​റ്റ്, സാങ്കേതിക സർവകലാശാല രജിസ്ട്രാർമാർക്ക് അയച്ചത്. സമയക്രമമനുസരിച്ച് അദാലത്ത് നടത്താൻ മന്ത്റി നിർദേശിച്ചതായി സർക്കുലറിലും വ്യക്തമാക്കുന്നുണ്ട്.