തിരുവനന്തപുരം: ഇന്നും നാളെയും നഗരത്തിൽ കുടിവെള്ള വിതരണം മുടങ്ങും. ആശുപത്രി പോലുള്ള അത്യാവശ്യമേഖലകളിലും അടിയന്തരാവശ്യങ്ങൾക്കും ടാങ്കറുകളിലും മറ്റുമായി കുടിവെള്ളമെത്തിക്കാൻ നടപടിയെടുത്തിട്ടുണ്ട്. അരുവിക്കരയിൽനിന്ന് ശുദ്ധജലമെത്തിക്കുന്ന 86 എംഎൽഡി, 74 എം.എൽ.ഡി ജലശുദ്ധീകരണശാലകളുടെ അടിയന്തര നവീകരണ പ്രവർത്തനങ്ങൾ നടക്കുന്നതിനാലാണ് ജലവിതരണം മുടങ്ങുന്നത്.
ആശുപത്രികളിൽ വെള്ളമെത്തിക്കും
മെഡിക്കൽ കോളജ് ആശുപത്രിയിലേക്ക് ഭാഗികമായി ജലവിതരണം നടത്തും. എന്നാൽ ആർ.സി.സി, ശീചിത്ര എന്നിവിടങ്ങളിലേക്ക് ജലം പമ്പ് ചെയ്യാനാവില്ല. അതിനാൽ ടാങ്കർ ലോറികൾ വഴി ജലമെത്തിക്കാൻ സംവിധാനം ഒരുക്കിയിട്ടുണ്ട്. ആശുപത്രി, പൊലീസ് തുടങ്ങിയ അത്യാവശ്യ സർവീസുകൾക്ക് പ്രത്യേകമായി ടാങ്കർ സർവീസ് നടത്തും. അത്യാവശ്യ ഘട്ടങ്ങളിൽ ടാങ്കർ ലോറികളിൽ ജലവിതരണം നടത്താനായി വാട്ടർ അതോറിട്ടിയുടെ വെള്ളയമ്പലം, അരുവിക്കര, പി.ടി.പി നഗർ, ചൂഴാറ്റുകോട്ട, ആറ്റിങ്ങൽ വാളക്കാട് എന്നിവിടങ്ങളിലെ വെൻഡിംഗ് പോയിന്റുകളിൽനിന്ന് ജലവിതരണത്തിന് സംവിധാനം ഏർപ്പെടുത്തിയിട്ടുണ്ട്. വാട്ടർ അതോറിട്ടിയുടെ ടാങ്കറുകൾക്ക് പുറമെ നഗരസഭ, പൊലീസ്, സൈന്യം, സി.ആർ.പി.എഫ് എന്നീ വിഭാഗങ്ങളുടെ ടാങ്കറുകളുടെ സേവനവും ഉപയോഗപ്പെടുത്തും.
ഇന്ന് ഉച്ചയ്ക്ക് 2 മണിമുതൽ 15ന് രാത്രിവരെ കുടിവെള്ളം മുടങ്ങുന്ന സ്ഥലങ്ങൾ
കവടിയാർ, പേരൂർക്കട, പൈപ്പിൻമൂട്, ശാസ്തമംഗലം, കൊച്ചാർ റോഡ്, ഇടപ്പഴിഞ്ഞി, കനകനഗർ, വെള്ളയമ്പലം, മരപ്പാലം, പട്ടം, മെഡിക്കൽ കോളജ്, ആർ.സി.സി, ശ്രീചിത്ര മെഡിക്കൽ സെന്റർ, കുമാരപുരം, ഉള്ളൂർ, പ്രശാന്ത് നഗർ, ആക്കുളം, ചെറുവയ്ക്കൽ, പോങ്ങുംമൂട്, ശ്രീകാര്യം, ചെമ്പഴന്തി, കരിയം, പാറോട്ടുകോണം, നാലാഞ്ചിറ, മണ്ണന്തല, കേശവദാസപുരം, പരുത്തിപ്പാറ, മുട്ടട, അമ്പലമുക്ക്, വഴയില, കുടപ്പനക്കുന്ന്, ജവഹർ നഗർ, നന്തൻകോട്, ദേവസ്വം ബോർഡ് ജംഗ്ഷൻ, പൗഡിക്കോണം, കഴക്കൂട്ടം, കാര്യവട്ടം, ടെക്‌നോപാർക്ക്, മൺവിള, കുളത്തൂർ, പള്ളിപ്പുറം, സി.ആർ.പി.എഫ്.
ഇന്ന് ഉച്ചയ്ക്ക് 2 മുതൽ നാളെ രാത്രി വരെ കുടിവെള്ളം മുടങ്ങുന്ന സ്ഥലങ്ങൾ
തിരുമല, പി.ടി.പി നഗർ, മരുതംകുഴി, പാങ്ങോട്, കാഞ്ഞിരംപാറ, വട്ടിയൂർക്കാവ്, കാച്ചാണി, നെട്ടയം, മലമുകൾ, കുലശേഖരം, വലിയവിള, കൊടുങ്ങാനൂർ, കുണ്ടമൺഭാഗം, പുന്നയ്ക്കാമുഗൾ, മുടവൻമുഗൾ, ജഗതി, പൂജപ്പുര, കരമന, നേമം, വെള്ളായണി, പാപ്പനംകോട്, തൃക്കണ്ണാപുരം, കൈമനം, കരുമം, കാലടി, നെടുങ്കാട്, ആറ്റുകാൽ, ഐരാണിമുട്ടം, തമ്പാനൂർ, ഈസ്റ്റ്‌ഫോർട്ട്, വള്ളക്കടവ്, കുര്യാത്തി, ചാല, മണക്കാട്, കമലേശ്വരം, അമ്പലത്തറ, പൂന്തുറ, ബീമാപ്പള്ളി, വലിയതുറ, ശ്രീവരാഹം, മുട്ടത്തറ, തിരുവല്ലം, നെല്ലിയോട്.
കൺട്രോൾ റൂം നമ്പറുകൾ
8547638181, 04712322674, 2322313(തിരുവനന്തപുരം)
9496000685(അരുവിക്കര)
വെൻഡിംഗ് പോയിന്റുകളിൽ ബന്ധപ്പെടാനുള്ള നമ്പരുകൾ
വെള്ളയമ്പലം 8547638181
അരുവിക്കര 9496000685
പിടിപി നഗർ 8547638192(14.12.2019 രാവിലെ ഏഴുമണിക്കു ശേഷം)
ചൂഴാറ്റുകോട്ട 8289940618
ആറ്റിങ്ങൽ വാളക്കോട് 8547638358