തിരുവനന്തപുരം: റവന്യൂ സംബന്ധമായ പരാതികൾ ഇനി ഒാൺലൈനായി മന്ത്രിക്ക് സമർപ്പിക്കാം. 'മിത്രം' (മിനിസ്റ്രേഴേ്സ് ഇന്ററാക്ടീവ് ട്രാൻസ്പാരന്റ് റിഡ്രസൽ ആൻ‌ഡ് അസിസ്റ്റൻസ് മിഷൻ) എന്ന പേരിൽ ഇതിനായി പുതിയ സോഫ്ട്‌വെയർ ജനുവരിയിൽ നിലവിൽ വരും. ലാൻഡ് റവന്യൂ കമ്മിഷറേറ്രിലെ ഐ.ടി വിഭാഗവും സി-ഡിറ്രും ചേർന്നാണ് സോഫ്ട്‌വെയർ തയ്യാറാക്കിയത്. ഇപ്പോൾ ട്രയൽ റൺ നടക്കുകയാണ്.

സോഫ്ട്‌വെയറിലൂടെ അപേക്ഷ നൽകിയാലുടൻ പരാതിക്കാരന് അപേക്ഷാ നമ്പർ സഹിതമുള്ള വിവരങ്ങൾ എസ്.എം.എസായി ലഭിക്കും. ഈ നമ്പർ ഉപയോഗിച്ച് പിന്നീട് അപേക്ഷയുടെ വിവരം അന്വേഷിക്കാം. നിലവിൽ പ്രതിദിനം 250 മുതൽ 300 വരെ പരാതികളാണ് റവന്യൂ മന്ത്രിക്ക് നേരിട്ട് ലഭിക്കുന്നത്. ചില പ്രദേശങ്ങൾ സന്ദർശിക്കുമ്പോഴും പൊതുപരിപാടികളിൽ പങ്കെടുക്കുമ്പോഴും പരാതികളുടെ എണ്ണം ഇതിലും കൂടും. ഈ പരാതികൾ അതാത് ജില്ലാകളക്ടർമാർക്കും മറ്ര് ബന്ധപ്പെട്ട ഉദ്യോഗസ്ഥർക്കും അയച്ചുകൊടുക്കുകയാണ് പതിവ്. എന്നാൽ ഈ പരാതികൾ പലതും പിന്നീട് വെളിച്ചംപോലും കാണാറില്ല. ഇത്തരത്തിൽ പരാതികൾ വ്യാപകമായതോടെയാണ് സോഫ്ട്‌വെയർ വികസിപ്പിക്കാൻ തീരുമാനിച്ചത്.

• പരാതിപ്പെടേണ്ടത് ഇങ്ങനെ

പരാതി നൽകുന്നയാൾ 'മിത്രം' വെബ്സൈറ്റിൽ കയറി പേരും ഫോൺനമ്പരും വിലാസവും നൽകണം

 തുടർന്ന് എസ്.എം.എസിലൂടെ ഒറ്റത്തവണ പാസ് വേഡ് കിട്ടും.

ഒരു യൂസറിന് എത്ര പരാതി വേണമെങ്കിലും അയയ്ക്കാം. മറ്രൊരാളുടെ പരാതിയും അയയ്ക്കാം.

 പരാതി ബന്ധപ്പെട്ട ഓഫീസുകളിലെത്തുമ്പോൾ നിങ്ങൾക്ക് മൊബൈൽ ഫോണിൽ എസ്.എം.എസ് സന്ദേശം ലഭിക്കും.

പരാതിയുടെ സ്റ്റാറ്റസും അറിയാം.

റവന്യൂവകുപ്പിന് ലഭിക്കുന്ന പ്രധാന പരാതികൾ

പട്ടയം ലഭിക്കുന്നില്ല

 നികുതി അടയ്ക്കാൻ അനുവദിക്കുന്നില്ല അനധികൃതമായി നിലം നികത്തുന്നു. സർട്ടിഫിക്കറ്രുകൾ കിട്ടാൻ കാലതാമസം വീട്ടീലേക്ക് ചാഞ്ഞു നിൽക്കുന്ന മരം വെട്ടണം ക്വാറി കാരണമുള്ള ബുദ്ധിമുട്ട് ഭൂമി അതിർത്തി സംബന്ധിച്ച പരാതികൾ സർവേ സംബന്ധിച്ച പരാതികൾ

.