വിതുര: കേന്ദ്രസർക്കാരിന്റെ പൗരത്വഭേദഗതി ബില്ലിനെതിരെ പ്രതിഷേധിച്ച് സി.പി.എം വിതുര ഏരിയാകമ്മിറ്റിയുടെ നേതൃത്വത്തിൽ തൊളിക്കോട് പോസ്റ്റ് ഒാഫീസിന് മുന്നിൽ മാർച്ചും ധർണയും നടത്തി. ജില്ലാ പഞ്ചായത്ത് പ്രസിഡന്റ് വി.കെ. മധു ഉദ്ഘാടനം ചെയ്തു. സി.പി.എം വിതുര ഏരിയാകമ്മിറ്റി സെക്രട്ടറി അഡ്വ.എൻ. ഷൗക്കത്തലി, തൊളിക്കോട് ലോക്കൽകമ്മിറ്റി സെക്രട്ടറി എസ്. അനിൽകുമാർ, തൊളിക്കോട് പഞ്ചായത്ത് പ്രസിഡന്റ് ഷംനാനവാസ്, ബ്ലോക്ക് പഞ്ചായത്തംഗം ജെ. വേലപ്പൻ, ടി.എൽ. ബൈജു, എൻ. ഗോപാലകൃഷ്ണൻ, പേരയംശശി, എസ്. സജ്ഞയൻ, വിദ്യാധരൻകാണി എന്നിവർ പങ്കെടുത്തു.