വൈപ്പിൻ: മക്കളും സുഹൃത്തുക്കളുമൊത്ത് മല കയറുന്നതിനിടെ അപ്പാച്ചിമേട്ടിനു സമീപം കുഴഞ്ഞു വീണ് ചികിത്സയിലായിരുന്ന യുവാവ് മരിച്ചു. ചെറായി ദേവസ്വംപറമ്പിൽ രാജൻകമ്മത്തിന്റെ മകൻ വേണു ആർ.കമ്മത്താണ് (42) മരിച്ചത്. വ്യാഴാഴ്ച വൈകിട്ട് ചെറായിയിൽ നിന്ന് മക്കളായ ആകാശ് രാജ്, അശ്വന്ത് രാജ് എന്നിവരും രണ്ടു സുഹൃത്തുകളുമായാണ് വേണു ശബരിമലയ്ക്ക് പുറപ്പെട്ടത്. വെള്ളിയാഴ്ച രാവിലെ പത്തോടെയാണ് കുഴഞ്ഞുവീണത്. ഉടൻതന്നെ സമീപത്തെ ഹൃദ്രോഗ ചികിത്സാവിഭാഗത്തിൽ പ്രവേശിപ്പിച്ചെങ്കിലും അവിടെ നിന്ന് കോട്ടയം മെഡിക്കൽ കോളേജിലേക്കും പിന്നീട് വിദഗ്ദ്ധചികിത്സയ്ക്കായി എറണാകുളത്തെ സ്വകാര്യ ആശുപത്രിയിലേക്കും മാറ്റി. ഇന്നലെ ഉച്ചയോടെയാണ് മരണം സംഭവിച്ചത്. ഭാര്യ: പ്രിയ.