തിരുവനന്തപുരം: പത്രപ്രവർത്തകനായ കെ.എം. ബഷീറിനെ കാറിടിച്ച് കൊലപ്പെടുത്തിയ കേസിൽ സസ്പെൻഷനിലായ ഐ.എ.എസ് ഉദ്യോഗസ്ഥൻ ശ്രീറാം വെങ്കിട്ടരാമനെതിരായ ആരോപണങ്ങൾ പ്രിൻസിപ്പൽ സെക്രട്ടറി സഞ്ജയ്‌ ഗാർഗ് തലവനായ സമിതി അന്വേഷിക്കും. വകുപ്പുതല അച്ചടക്ക നടപടിയുടെ ഭാഗമായി ശ്രീറാമിനെ സസ്‌പെൻഡ് ചെയ്തിരുന്നു. പ്രിൻസിപ്പൽ സെക്രട്ടറി സഞ്ജയ്‌ ഗാർഗിന് മുഖ്യ അന്വേഷണ ചുമതലയും ഊർജ സെക്രട്ടറി ഡോ .ബി അശോക് പ്രസന്റിംഗ് ഓഫീസറായുമാണ് അന്വേഷണ സമിതി രൂപീകരിച്ചത്. സിറാജ് ഡയറക്ടർ എ.സൈഫുദീൻ ഹാജിയിൽ നിന്ന് സമിതി നാളെ തെളിവെടുക്കും.