വിതുര : കോൺഗ്രസ് മുൻ വിതുര മണ്ഡലം പ്രസിഡന്റും ബ്ലോക്ക് പഞ്ചായത്തംഗവും പഞ്ചായത്തംഗവുമായിരുന്ന പൊന്നാംചുണ്ട് എസ്.എൻ. ക്ലമന്റിന്റെ അകാല നിര്യാണത്തിൽ വിതുരയിൽ സർവകക്ഷികളുടെ നേതൃത്വത്തിൽ അനുസ്മരണയോഗം ചേർന്നു. മുൻ ഡെപ്യൂട്ടി സ്പീക്കർ പാലോട് രവി ഉദ്ഘാടനം ചെയ്തു. കോൺഗ്രസ് വിതുര മണ്ഡലം പ്രസിഡന്റ് പാക്കുളം അയൂബ് അദ്ധ്യക്ഷത വഹിച്ചു. തോട്ടുമുക്ക് അൻസർ, എസ്. കുമാരപിള്ള, പി. ശ്രീകണ്ഠൻനായർ, എം.എസ്.റഷീദ്, അഡ്വ. ഉവൈസ്ഖാൻ, എൻ. ജയമോഹൻ, എ.എ. റഷീദ് എന്നിവർ പങ്കെടുത്തു. പൊന്നാംചുണ്ട് ജംഗ്ഷനിൽ ചേർന്ന അനുശോചന യോഗം യോഗത്തിൽ കെ.എസ്. ശബരീനാഥൻ എം.എൽ.എ, മുൻ വിവരാവകാശ കമ്മിഷണർ അഡ്വ. വിതുര ശശി, പഞ്ചായത്ത് പ്രസിഡന്റ് എസ്.എൽ. കൃഷ്ണകുമാരി, ഡിസിസി വൈസ് പ്രസിഡന്റ് പി.എസ്. പ്രശാന്ത്, ജനറൽ സെക്രറിമാരായ അഡ്വ. സി.എസ്. വിദ്യാസാഗർ, എൻ. ജയമോഹൻ, തോട്ടുമുക്ക് അൻസർ, കോൺഗ്രസ് ബ്ലോക്ക് പ്രസിഡന്റ് മലയടി പുഷ്പാംഗതൻ, മുൻ വെള്ളനാട് പഞ്ചായത്ത് പ്രസിഡന്റ് രാജേന്ദ്രൻ, കോൺഗ്രസ് വിതുര മണ്ഡലം പ്രസിഡന്റ് പാക്കുളം അയൂബ്, കോൺഗ്രസ് ആനപ്പാറ മണ്ഡലം പ്രസിഡന്റ് ജയപ്രകാശൻ നായർ, സി.പി.എം നേതാവ് പി. അയ്യപ്പൻ പിള്ള, സി.പി.ഐ നേതാവ് കല്ലാർ വിക്രമൻ, ബി.ജെ.പി നേതാവ് പ്രസേനൻ, പഞ്ചായത്ത് അംഗങ്ങൾ, വിവിധ രാഷ്ട്രീയ കക്ഷി നേതാക്കൾ തുടങ്ങിയവർ അനുസ്മരണപ്രഭാഷണം നടത്തി.