ബാലരാമപുരം: പൂങ്കോട് കാരുണ്യ ഫൗണ്ടേഷൻ വാർഷികാഘോഷവും കുടുംബസംഗമവും ജനുവരി 11,​12 തീയതികളിൽ നടക്കും.11ന് രാവിലെ 9ന് ഫൗണ്ടേഷൻ രക്ഷാധികാരി എസ്.അംബികാദേവി പതാക ഉയർത്തും,​തുടർന്ന് കുട്ടികളുടെയും കുടുംബശ്രീ അംഗങ്ങളുടെയും വിവിധ കലാ-കായിക മത്സരം, 12ന് വൈകിട്ട് 4ന് നടക്കുന്ന കുടുംബസംഗമവും പൊതുസമ്മേളനവും ഐ.ബി.സതീഷ് എം.എൽ.എ ഉദ്ഘാടനം ചെയ്യും.കാരുണ്യ ഫൗണ്ടേഷൻ ചെയർമാൻ അനുപമ രവീന്ദ്രൻ അദ്ധ്യക്ഷത വഹിക്കും.വൈസ് ചെയർമാൻ രാഗിണി റിപ്പോർട്ട് അവതരിപ്പിക്കും.മുൻ സ്പീക്കർ എൻ.ശക്തൻ,​ജില്ലാ പഞ്ചായത്ത് മെമ്പർ ലതകുമാരി എന്നിവർ മുഖ്യപ്രഭാഷണം നടത്തും.പള്ളിച്ചൽ പഞ്ചായത്ത് പ്രസിഡന്റ് മല്ലികാവിജയൻ,​ നേമം ബ്ലോക്ക് പഞ്ചായത്ത് വൈസ് പ്രസിഡന്റ് വിളപ്പിൽ രാധാകൃഷ്ണൻ,​പള്ളിച്ചൽ പഞ്ചായത്ത് വൈസ് പ്രസിഡന്റ് പള്ളിച്ചൽ സതീഷ്,​ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ അംബികാദേവി തുടങ്ങിയവർ സംസാരിക്കും.കാരുണ്യ ഫൗണ്ടേഷൻ സെക്രട്ടറി സി.ആർ.സുനു സ്വാഗതവും ട്രഷറർ അജിത് കുമാർ നന്ദിയും പറയും. രാത്രി 7 ന് ഗാനമേള.