കിളിമാനൂർ: ചെമ്മരത്തുമുക്ക് മഹാത്മ റസിഡന്റ്‌സ് അസോസിയേഷൻ ഉദ്ഘാടന സമ്മേളനം നഗരൂർ ഗ്രാമപഞ്ചായത്ത് അസോസിയേഷൻ പ്രസിഡന്റ് ആർ. അരവിന്ദാക്ഷൻ നായരുടെ അദ്ധ്യക്ഷതയിൽ നഗരൂർ ഗ്രാമപഞ്ചായത്ത് പ്രസിഡന്റ് എം. രഘു ഉദ്ഘാടനം ചെയ്തു. നഗരൂർ പൊലീസ് സ്റ്റേഷൻ ഹൗസ് ഓഫീസർ എം. സഹിൽ മുഖ്യാതിഥിയായി.എക്‌സൈസ് ഇൻസ്‌പെക്ടർ എം.എസ്. മനോജ് ബോധവത്കരണ ക്ലാസെടുത്തു. റസിഡന്റ്‌സ് വെൽഫെയർ സഹകരണ സംഘം പ്രസിഡന്റ് ബേബി ഹരീന്ദ്രദാസ് മുഖ്യ പ്രഭാഷണം നടത്തി. വാർഡംഗങ്ങളായ ജി. മുരളി, ആർ. അനൂപ് രാജ് എന്നിവർ പങ്കെടുത്തു. രാവിലെ 10 മുതൽ സൗജന്യ നേത്ര പ്രമേഹ ജീവിത ശൈലി രോഗ നിർണയ, ബി.പി, ബ്ലഡ് ഷുഗർ പരിശോധനയും നടന്നു.