ശ​ബ​രി​മ​ല: സംസ്ഥാനത്തെ പെട്രോൾ പമ്പുകളിൽ അഗ്നിബാധയടക്കമുള്ള അപകടങ്ങൾ തടയാൻ ഒക്ടോബർ ഒന്നുമുതൽ പുതിയ സുരക്ഷാ മാനദണ്ഡങ്ങൾ ഏർപ്പെടുത്തിയെങ്കിലും ശ​ബ​രി​മ​ല​ ബേ​സ് ക്യാ​മ്പാ​യ നി​ല​യ്ക്ക​ലിൽ ദേ​വ​സ്വം ബോർ​ഡി​ന്റെ പെ​ട്രോൾ പ​മ്പ് പ്രവർത്തിക്കുന്നത് അഗ്നി സുരക്ഷാ സംവിധാനങ്ങളില്ലാതെ. നി​ത്യേ​ന ആ​യി​ര​ക്ക​ണ​ക്കി​ന് വാ​ഹ​ന​ങ്ങൾ എ​ത്തു​ന്ന ഇവിടെ സുരക്ഷാ സൗകര്യങ്ങളില്ലാത്തത് വൻഅപകട ഭീഷണിയാണ് ഉയർത്തുന്നത്.

24 മണിക്കൂറും പ്രവർത്തിക്കുന്ന പമ്പിൽ നിന്ന് ഇ​ന്ധ​നം കി​ട്ട​ണ​മെ​ങ്കിൽ ഭാ​ഗ്യം കൂടി വേ​ണമെന്ന അവസ്ഥയാണ്. വാ​ഹ​ന​ത്തിൽ ഇ​ന്ധ​നം നി​റ​ച്ചു​കൊ​ണ്ടി​രി​ക്കു​മ്പോൾ വൈ​ദ്യു​തി നി​ല​ച്ചാൽ പെ​ട്രോൾ പ​മ്പിൽ കു​ടു​ങ്ങി​പ്പോ​കും. ജ​ന​റേ​റ്റർ സം​വി​ധാ​നം ഇല്ലാത്തതാണ് പ്രശ്നം.

ദുരവസ്ഥയിൽ സ്വാമി അയ്യപ്പാ ഫ്യുവൽസ്

പ​മ്പ​യിൽ നി​ന്നും നി​ലയ്​ക്ക​ലിൽ നി​ന്നും സ്വ​കാ​ര്യ വാ​ഹ​ന​ങ്ങ​ളിൽ മ​ട​ക്ക​യാ​ത്ര ആ​രം​ഭി​ക്കു​ന്ന ഭ​ക്തർ ഇ​ന്ധ​ന​ത്തി​നാ​യി പ്ര​ധാ​ന​മാ​യും ആ​ശ്ര​യി​ക്കു​ന്ന​ത് ദേ​വ​സ്വം ബോർ​ഡി​ന്റെ നി​ലയ്​ക്കൽ പെ​ട്രോൾ പ​മ്പി​നെ​യാ​ണ്. 2015 ഒ​ക്ടോ​ബറിലാ​ണ് സ്വാ​മി അ​യ്യ​പ്പാ ഫ്യൂവത്സ് എ​ന്ന പേ​രിൽ നി​ല​യ്ക്ക​ലിൽ തി​രു​വി​താം​കൂർ ദേ​വ​സ്വം ബോർ​ഡ് പ്ര​ധാ​ന ഗോ​പു​ര​ത്തി​ന് സ​മീ​പം പ​മ്പ് ആ​രം​ഭി​ച്ച​ത്. പ​മ്പ് അ​നു​വ​ദി​ക്കു​മ്പോൾ ഉ​ണ്ടാ​വേ​ണ്ട അ​ടി​സ്ഥാ​ന സൗ​ക​ര്യ​ങ്ങളൊ​ന്നും ത​ന്നെ ഇ​വി​ടെയില്ല.പ​മ്പ് അ​നു​വ​ദി​ക്കും മുൻ​പ് ഉ​റ​പ്പാ​ക്കേ​ണ്ട പ്രാഥമികസൗ​ക​ര്യ​ങ്ങൾ പാേലുമില്ല. ഇ​വി​ടെ നി​ന്ന് ഇ​ന്ധ​നം നി​റയ്​ക്കാൻ ക​ഴി​ഞ്ഞി​ല്ലെ​ങ്കിൽ 20 കി​ലോ​മീ​റ്ററില​ധി​കം സ​ഞ്ച​രി​ച്ച് എ​രു​മേ​ലി​ - കോ​ട്ട​യം റൂ​ട്ടിൽ മു​ക്കൂട്ടു​ത​റ​യി​ലോ പ​ത്ത​നം​തി​ട്ട റൂ​ട്ടിൽ പെ​രു​നാ​ട്ടി​ലോ എ​ത്ത​ണം. ഈ വ​ഴി​യിൽ കൂ​ടു​തൽ ഭാ​ഗ​വും വ​ന​മാ​ണ്. വന്യമൃഗശല്യവുമുണ്ട്. ഇ​ക്കാ​ര​ണ​ത്താൽ മ​ണി​ക്കൂ​റു​കൾ കാ​ത്തുനിൽ​ക്കേ​ണ്ടി വ​ന്നാ​ലും ഇ​വി​ടു​ത്തെ പൊ​ട്രോൾ പ​മ്പി​ന്നെ തന്നെ ആ​ശ്ര​യി​ക്കേ​ണ്ട ദുരവസ്ഥയിലാ​ണ് വാ​ഹ​ന ഉ​ട​മ​കൾ.

പ​മ്പിൽ അ​ടി​സ്ഥാ​ന സൗ​ക​ര്യ​ങ്ങൾ ഉ​ണ്ടെ​ന്ന് കാ​ട്ടി വ​ലി​യ ബോർ​ഡ് സ്ഥാപിച്ചി​ട്ടു​ണ്ടെ​ങ്കി​ലും യാ​ത്ര​ക്കാർ​ക്ക് പ്രാ​ഥമി​ക കൃത്യ​ങ്ങൾ​ നടത്താൻ മറ്റ് മാർഗങ്ങളാണ് ആശ്രയം. തീർത്ഥാടകരോടുള്ള ജീവനക്കാരുടെ പെരുമാറ്റവും മോശമാണെന്ന് പരാതിയുണ്ട്. തീർ​ത്ഥാ​ട​ന​ത്തി​ന് മുൻ​പ് എ​ല്ലാം ഭ​ദ്ര​മാണെ​ന്നായിരുന്നു ബോർ​ഡിന്റെ അവകാശവാദം. പമ്പ് സ്ഥാപിച്ചപ്പോഴുള്ള സൗകര്യങ്ങൾ മാത്രമാണ് ഇപ്പോഴുമുള്ളത്.

സു​ര​ക്ഷാ മാ​ന​ദ​ണ്ഡ​ങ്ങൾ പറയുന്നത്

കേ​ന്ദ്ര സർ​ക്കാ​രി​ന് കീ​ഴിലെ പെ​ട്രോ​ളി​യം ആൻ​ഡ് എ​ക്‌​സ്‌​പ്ലോ​സീ​വ്‌​സ്​ സേഫ്ടി ഓർ​ഗ​നൈ​സേ​ഷ​നാ​ണ് (പെ​സോ) സുരക്ഷാ മാർ​ഗ​നിർ​ദേ​ശ​ങ്ങൾ ത​യ്യാ​റാ​ക്കി​ത്. എ​ല്ലാ പെ​ട്രോ​ളി​യം വി​ത​ര​ണ​ക്കാർ​ക്കും പ​മ്പു​കൾ​ക്കും പു​തി​യ ദു​ര​ന്ത​നി​വാ​ര​ണ പ്ലാനും നൽകി.

അ​ത്യാ​ഹി​ത​ങ്ങൾ സം​ഭ​വി​ച്ചാൽ ഓ​രോ ജീ​വ​ന​ക്കാ​ര​നും ചെ​യ്യേ​ണ്ട ക​ട​മ​കൾ സം​ബ​ന്ധി​ച്ച് ഇ​തിൽ നിർ​ദേ​ശമുണ്ട്. അടുത്തിടെ കൊ​ല്ലം കാ​വ​നാ​ട് പെ​ട്രോൾ പ​മ്പിൽ ഉ​ണ്ടാ​യ തീ​പി​ടി​ത്ത​ത്തെതു​ടർ​ന്നാ​യിരുന്നു ന​ട​പ​ടി. പ​മ്പു​ക​ളിൽ ഉ​ണ്ടാ​വു​ന്ന നിസാ​ര അ​പ​ക​ട​ങ്ങൾ​പോ​ലും ഇ​ന്ധ​ന​വി​ത​ര​ണ ഏ​ജൻ​സി​യു​ടെ ഡി​വി​ഷ​ണൽ മാ​നേ​ജ​രെ അ​റി​യി​ക്ക​ണം. ഡി​വി​ഷ​ണൽ മാ​നേ​ജ​രും എൻ​ജി​നീ​യ​റിംഗ് വി​ഭാ​ഗം മാ​നേ​ജ​രും ഇ​ത്ത​രം സം​ഭ​വ​ങ്ങൾ അ​ന്വേ​ഷി​ച്ച് ന​ട​പ​ടി സ്വീകരിക്കണം. ഏ​ത് പ​മ്പി​ലും അ​റ്റ​കു​റ്റ​പ്പ​ണി​കൾ ആ​വ​ശ്യ​മാ​യി​വ​ന്നാൽ 48 മ​ണി​ക്കൂ​റി​ന​കം നിർ​വ​ഹി​ക്ക​ണം. അ​പ​ക​ട​ക​ര​മാ​യ ചോർ​ച്ച ഉ​ണ്ടാ​യാൽ 24 മ​ണി​ക്കൂ​റി​ന​കം പ​രി​ഹ​രി​ക്ക​ണം. സ്​ത്രീ​ക​ള​ട​ക്ക​മു​ള്ള പ​മ്പി​ലെ എ​ല്ലാ ജീ​വ​ന​ക്കാ​രും അ​ഗ്‌​നി​ശ​മ​ന ഉ​പ​ക​ര​ണ​ങ്ങൾ ഉ​പ​യോ​ഗി​ക്കാൻ പ്രാ​പ്​ത​രാ​യി​രി​ക്ക​ണം. മൂ​ന്നു​മാ​സ​ത്തി​ലൊ​രി​ക്കൽ ഇ​വർ​ക്ക് സെ​യിൽ​സ് ഓ​ഫീ​സർ​മാ​രു​ടെ നേ​തൃ​ത്വ​ത്തിൽ പ​രി​ശീ​ല​നം നൽ​ക​ണം.

പ​മ്പി​ലും പ​രി​സ​ര​ത്തും ചെ​യ്യാ​വു​ന്ന​തും ചെ​യ്യ​രു​താ​ത്ത​തു​മാ​യ കാ​ര്യ​ങ്ങ​ളെ​പ്പ​റ്റി നോ​ട്ടീ​സ് പ​തിക്കണം. അ​നാ​വ​ശ്യ​മാ​യി വാ​ഹ​ന​ങ്ങൾ പ​മ്പു​ക​ളിൽ പാർ​ക്ക് ചെ​യ്യു​ന്ന​ത് നി​രു​ത്സാ​ഹ​പ്പെ​ടു​ത്ത​ണം. വാ​ഹ​ന​ങ്ങൾ എ​പ്പോ​ഴും പു​റ​ത്തേ​ക്ക് ഓ​ടി​ച്ചി​റ​ക്കാ​വു​ന്ന രീ​തി​യിൽ പാർ​ക്ക് ചെ​യ്യ​ണം. ഇ​ന്ധ​നം വി​ത​ര​ണം ചെ​യ്യു​ന്ന ഡി​സ്‌​പെൻ​സിംഗ് യൂ​ണി​റ്റി​ലെ എ​ല്ലാ​വ​സ്​തു​ക്ക​ളി​ലും തീ​പി​ടി​ക്കാ​ത്ത സം​വി​ധാ​നം ഉ​റ​പ്പാ​ക്ക​ണം.

ഓ​രോ പ​മ്പ് ഐ​ലൻ​ഡി​ലും ര​ണ്ടു​വീ​തം ഫ​യർ എ​ക്​സ്റ്റിം​ഗ്വി​ഷ​റും ര​ണ്ട് വാ​ട്ടർ ബ​ക്ക​റ്റും വ​ച്ചി​രി​ക്ക​ണം. ഡി​സ്‌​പെൻ​സിംഗ് യൂ​ണി​റ്റു​ക​ളിൽ ഇ​ല​ക്‌​ട്രോ​ണി​ക്​ സർ​ക്യൂ​ട്ട് ബ്രേ​ക്കർ (ഇ.എൽ.സി.ബി.) പ്ര​വർ​ത്ത​ന​ക്ഷ​മ​മാ​യി​രി​ക്ക​ണം. അ​ടി​യ​ന്ത​ര​ഘ​ട്ട​ങ്ങ​ളിൽ ടാ​ങ്കു​ക​ളിൽ​നി​ന്ന് ഡി​സ്‌​പെൻ​സിംഗ് യൂ​ണി​റ്റി​ലേ​ക്ക് ഇ​ന്ധ​നം വ​രു​ന്ന​ത് ത​ട​യാ​നു​ള്ള എ​മർ​ജൻ​സി ഷ​ട്ട്​ഡൗൺ സ്വി​ച്ച് പ്ര​വർ​ത്തി​ക്കു​ന്നെ​ന്ന് ഉ​റ​പ്പാ​ക്ക​ണം.