തിരുവനന്തപുരം: പൗരത്വ നിയമ ഭേദഗതിക്കെതിരെ കെ.പി.സി.സിയുടെ ആഭിമുഖ്യത്തിൽ ജില്ലകളിൽ സംഘടിപ്പിച്ച ജനമുന്നേറ്റ സംഗമങ്ങളിൽ വൻ ജനപങ്കാളിത്തം. വിവിധ ജില്ലകളിൽ കോൺഗ്രസിന്റെ സമുന്നത നേതാക്കൾ പങ്കെടുത്തു. കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രൻ കാസർകോട്ടും പ്രതിപക്ഷ നേതാവ് രമേശ് ചെന്നിത്തല മലപ്പുറത്തും പ്രതിഷേധ പരിപാടികൾ ഉദ്ഘാടനം ചെയ്തു.
കെ.സുധാകരൻ (കണ്ണൂർ), കൊടിക്കുന്നിൽ സുരേഷ് (കൊല്ലം), എം.കെ.രാഘവൻ (വയനാട്), ഡോ.ശശി തരൂർ (കോഴിക്കോട് ), ബെന്നി ബഹനാൻ (തൃശൂർ), വി.ഡി.സതീശൻ (എറണാകുളം), ഡീൻ കുര്യാക്കോസ് (ഇടുക്കി), തിരുവഞ്ചൂർ രാധാകൃഷ്ണൻ (പത്തനംതിട്ട), എം.എം.ഹസ്സൻ (തിരുവനന്തപുരം) എന്നിങ്ങനെ പ്രതിഷേധ പരിപാടി ഉദ്ഘാടനം ചെയ്തു. പാലക്കാട്, കോട്ടയം, ആലപ്പുഴ ജില്ലകളിലെ സംഗമം വെള്ളിയാഴ്ച നടന്നിരുന്നു.