നെയ്യാറ്റിൻകര:ചിത്ര-കലാകാരന്മാരുടെ കൂട്ടായ്മയായ നെയ്യാറ്റിൻകര മുദ്രകലയുടെ ആഭിമുഖ്യത്തിൽ 24 മുതൽ 29 വരെ രാവിലെ 9.30 മുതൽ വൈകിട്ട് 6 വരെ തിരുവനന്തപുരം മ്യൂസിയം ഓഡിറ്റോറിയത്തിൽ പെയിന്റിംഗ് പ്രദർശനം നടക്കും. 24ന് വൈകിട്ട് 4.30ന് പ്രദർശനം കെ.ജയകുമാർ ഉദ്ഘാടനം ചെയ്യും.മുദ്രകലാ പ്രസിഡന്റ് വിജയൻ നെയ്യാറ്റിൻകര അദ്ധ്യക്ഷത വഹിക്കും.വൈലോപ്പിള്ളി സംസ്കൃതി ഭവൻ വൈസ് ചെയർമാൻ വിനോദ് വൈശാഖി,കവി ഈഞ്ചക്കൽ ബാലചന്ദ്രൻ,ആയുർവേ കോളേജ് റിട്ട. ചീഫ് ആർട്ടിസ്റ്റ് എൻ.ദിവാകരൻ, കേരളകൗമുദി പത്രാധിപ സമിതി മുൻ അംഗം എ.പി.ജിനൻ എന്നിവർ പ്രസംഗിക്കും.മുദ്രകല ക്രീയേറ്റീവ് ഹെഡ് വിത്തീസ് വിദ്യാധരൻ സ്വാഗതവും സെക്രട്ടറി കെ.എം.പരശുവയ്ക്കൽ നന്ദിയും പറയും.