തിരുവനന്തപുരം: തുമ്പ വിക്രം സാരാഭായ് സ്‌പെയ്സ് സെന്ററിൽ നിന്നും 26നും 27നും പകൽ ഒമ്പതിനും 11നും ഇടയിൽ റോക്കറ്റ് വിക്ഷേപണം ഉണ്ടായിരിക്കും. അതിനാൽ വലിയതുറ മുതൽ പള്ളിത്തുറവരെ തീരത്ത് നിന്ന് അഞ്ച് നോട്ടിക്കൽ മൈൽ (9 കി.മി) ദൂരം അപകടസാദ്ധ്യതാമേഖലയായി പ്രഖ്യാപിച്ചിട്ടുണ്ട്. വിക്ഷേപണ സമയം ഈ പ്രദേശത്ത് മത്സ്യബന്ധനം ഒഴിവാക്കണം. ഉൾക്കടലിൽ മത്സ്യബന്ധനം നടത്തുന്നവർ 4575 നോട്ടിക്കൽ മൈൽ പരിധിയിൽ മത്സ്യബന്ധനം ഒഴിവാക്കാനും മുന്നറിയിപ്പുണ്ട്. സുരക്ഷാ ഏജൻസികളായ മറൈൻ എൻഫോഴ്സ്‌മെന്റ്, കോസ്റ്റൽ പൊലീസ്, കോസ്റ്റൽ ഗാർഡ് എന്നിവരുടെ നിർദ്ദേശം കർശനമായും പാലിക്കണം.