ഓച്ചിറ: ഭാര്യയെ കുത്തിപ്പരിക്കേൽപ്പിച്ച ശേഷം ഭർത്താവ് വിഷം കഴിച്ചുമരിച്ചു . എറണാകുളം ചെല്ലാനം മാലാഖപ്പടി വകത്തറയിൽ ജോർജ് അഗസ്റ്റ്യനാണ് (39) ജീവനൊടുക്കിയത്. ഭാര്യ സബിത കയ്യിൽ കുത്തേറ്റ് കായംകുളം താലൂക്ക് ആശുപത്രിയിലാണ്.

പൊലീസ് പറയുന്നത് : പിണങ്ങി കഴിയുകയായിരുന്നു ദമ്പതിമാർ. വിവാഹ മോചനത്തിന് കോടതിയെ സമീപിച്ച സബിത രണ്ടുമാസമായി സുഹൃത്തിനൊപ്പം ഓച്ചിറയിൽ താമസിക്കുകയായിരുന്നു. ഇന്നലെ രാവിലെ 7ന് ഇവിടെയെത്തിയ ജോർജ്ജും ഭാര്യയുമായി വാക്കുതർക്കമുണ്ടായി. ഇയാൾ കയ്യിലുണ്ടായിരുന്ന കത്തിയെടുത്ത് ഭാര്യയുടെ കഴുത്തിൽ കുത്താൻ ശ്രമിച്ചു. തടയാൻ ശ്രമിക്കവേയാണ് സബിതയുടെ കൈയ്ക്ക് കുത്തേറ്റത്.പിടിച്ചുമാറ്റാൻ ശ്രമിച്ച വീട്ടുടമസ്ഥയുടെ മകൻ മിഥനും കൈയ്ക്ക് കുത്തേറ്റു. സബിതയെ ആശുപത്രിയിലേക്ക് കൊണ്ടുപോയ സമയത്ത് ജോർജ് കയ്യിൽ കരുതിയ വിഷം മധുര പാനീയത്തിൽ കലർത്തി കഴിക്കുകയായിരുന്നു. ഇയാളെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനിയില്ല. ഒലിവിൻ ജീസസ് ജോർജാണ് (4) മകൻ.