കിളിമാനൂർ: സംസ്ഥാനത്തെ എൽ.ഡി.എഫ് സർക്കാർ നടപ്പിലാക്കിവരുന്ന ജനക്ഷേമ പ്രവർത്തനങ്ങളുടെ പ്രചാരകരായി കർഷകത്തൊഴിലാളികൾ മാറണമെന്ന് കെ.എസ്.കെ.ടി.യു കിളിമാനൂർ ഏരിയാ സമ്മേളനം

അം​ഗീകരിച്ച പ്രമേയത്തിലൂടെ ആവശ്യപ്പെട്ടു. വിവിധ ആവശ്യങ്ങൾ ഉന്നയിച്ച് സംയുക്തസമരസമിതി ജനുവരി എട്ടിന് നടത്തുന്ന പണിമുടക്ക് വിജയിപ്പിക്കാനും സമ്മേളനം ആഹ്വാനം ചെയ്തു. കേന്ദ്രസർക്കാരിന്റെ പൗരത്വനിയമഭേദ​ഗതിയും പൗരത്വരജിസ്റ്ററും പിൻവലിക്കണമെന്നും സമ്മേളനം ആവശ്യപ്പെട്ടു.

സമ്മേളനം പള്ളിക്കൽ അജയൻ ന​ഗറിൽ (പൊയ്കക്കട ഓപ്പൺ എയർ ഒാഡിറ്റോറിയം) യൂണിയൻ സംസ്ഥാന വൈസ് പ്രസിഡന്റ് ആനാവൂർ നാ​ഗപ്പൻ ഉദ്ഘാടനം ചെയ്തു. ഏരിയാ പ്രസിഡന്റ് എൻ.രവീന്ദ്രൻ ഉണ്ണിത്താൻ അദ്ധ്യക്ഷനായി. ജില്ലാ പ്രസിഡന്റ് ബി.പി മുരളി, സി.പി.എം ജില്ലാകമ്മിറ്റിയം​ഗം അഡ്വ. മടവൂർ അനിൽ, ബി.സത്യൻ

എം.എൽ.എ, സി.പി.എം ഏരിയാ സെക്രട്ടറി അഡ്വ.എസ്.ജയചന്ദ്രൻ, കെ.എസ്.കെ.ടി.യു ജില്ലാ വൈസ് പ്രസിഡന്റ് എ. ​ഗണേശൻ, എസ്.എസ് ബിജു, വി.സനാതനൻ, തുണ്ടത്തിൽ ശശി, എം.ഷാജഹാൻ, വി.ബിനു, എസ്.യഹിയ തുടങ്ങിയവർ സംസാരിച്ചു. സ്വാ​ഗതസംഘം ചെയർമാൻ സലിൻ സ്വാ​ഗതം പറഞ്ഞു. പുതിയ ഭാരവാഹികളായി എൻ. രവീന്ദ്രൻ ഉണ്ണിത്താൻ (പ്രസിഡന്റ്) കെ.എ.അസീസ്, എം.നാരായണൻ, എം.മൈതീൻകുഞ്ഞ് (വൈസ് പ്രസിഡന്റുമാർ) ടി.എൻ.വിജയൻ (സെക്രട്ടറി) എസ്.വിൻസെന്റ്, എം.കെ.രാധാകൃഷ്ണൻ, എം.ഹസീന, സനൽകുമാർ (ജോയിന്റ് സെക്രട്ടറിമാർ) എന്നിവരടങ്ങിയ 13 അം​ഗ എക്സിക്യൂട്ടീവ് കമ്മിറ്റിയെയും 40 അം​ഗ ഏരിയാ കമ്മിറ്റിയെയും തിരഞ്ഞെടുത്തു. ഇന്ന് വൈകിട്ട് അഞ്ചിന് കൊടുവഴന്നൂർ പൊയ്കക്കടയിൽ നടക്കുന്ന പൊതുസമ്മേളനം സി.ഐ.ടി.യു നേതാവ് നാസർ കോളായി ഉദ്ഘാടനം ചെയ്യും.